Kamerali qarshilik pechining ish rejimlarini

II. Tajriba qurilmasining tafsifi
Stend kirish avtomati AV, voltmetr, ampermetr, vattmetr, pasaytiruvchi transformator, uzib ulagich va termoregulyatorli shaxta pechidan iborat.
Shaxta pechini eksperimental tadqiq qilish uchun oʻlchov asboblari va qurilmalar orasidagi zarur ulanishlar amalga oshiriladi.
SSHOL 11,6/12 shaxta pechining texnologik koʻrsatgichlari:
Quvvat_ _ _ _ _ _ _ _ _ _ _ _ _ _ _ _ _ 3 kVt;
Kuchlanish_ _ _ _ _ _ _ _ _ _ _ _ _ _ _ 220 V;
Maksimal harorat_ _ __ _ _ _ _ _ _ _ 1250 ⁰S ,
Ogʻirligi_ _ _ _ _ _ _ _ _ _ _ _ _ _ _ _ 160 kg


III.Topshiriq
a) Shaxta qarshilik pechi konstruksiyasi va texnologik koʻrsatkichlari bilan tanishish;
b) Shaxta qarshilik pechi haroratini ikki pozitsiyali rostlash elektr sxemasini chizish va oʻrganish;
v) Qizdirish elementini hisoblashni amalga oshirish (dastlabki ma’lumotlar oʻqituvchi tomonidan beriladi);
g) t = f( ) grafiklarini olish va qurish.


IV. Tajriba ishini bajarish tartibi
Kirish avtomatini (AV) ulash natijasida tajriba stendi kuchlanish bilan ta’minlanib, LK signal lampasi yonadi. PK₁ ulagich I holatga qoʻyiladi va shundan keyin “P” oʻchirgich ulanadi. P oʻchirgichni qoʻshish paytida vaqtni darhol belgilash kerak, ya’ni vaqtni τ hisobi boshlanadi. Shu bilan birga ishchi muhit harorati t_ch ham hisobga olinadi. Pech kamerasidagi harorat belgilangan qiymatga yetgach, qarshilik pechi avtomatik ravishda tarmoqdan uziladi. Ulanishdan to oʻchirilishgacha boʻlgan vaqt τ_oʻch belgilanadi va undan soʻng pauza vaqti τ_toʻxtash boshlanadi va bu qayta ulanishgacha yoki τ_ish momentigacha davom etadi.
Tajriba ishini bajarish davomida voltmetr (V), ampermetr (A) va vattmetr (Wh) koʻrsatkichlari yozib boriladi. Tajriba natijalarini uch marta (τ_ish1, τ_ish2, τ_ish3) olish zarur va yetarlidir.