Kamaytirish yo’llari

Qisqacha xulosalar

Ishsizlik deganda- ishchi kuchining ish joyi bilan ta’minlanmaganligi va natijada, uning biron-bir qonuniy daromad manbaiga ega bo’lmasligining muayyan xolati tushuniladi. SHuning uchun ishsizlik muammosini o’rganishdan maqsadaholining ish bilan bandligini yaxshilash orqali mamlakat ishlab chiqarishini kengaytirish va aholini turmush darajasini yanada yaxshilashga aloqador tadbirlarni ishlab chiqishdan iborat.

O’zbekistonda ishsizlik o’sishining asosiy sababi, eng avvalo, mamlakat iqtisodiyoti davlat sektorida ishlab chiqarishning qisqarishi bo’ldi. CHunki iqtisodiy o’sish dinamikasi bilan ishsizlik o’rtasidagi aloqa uzviy bog’liq ko’rsatkichlardir.
Mamlakatdagi iqtisodiy vaziyatni umumiy sog’lomlashtirish, investitsion faollikni rag’batlantirish, barqarorlashtirish va keyinchalik iqtisodiy o’sishga erishish, iqtisodiyotni nodavlat sektorlarini rivojlantirish va kengaytirish uchun shart-sharoitlarni yaratish, shu jumladan, kichik biznes va o’z-o’zini ish bilan band qilishni qo’llab-quvvatlash, ish bilan bandlikning oqil tuzilmasini yaratish maqsadida kasbiy o’qitish, qayta tayyorlash va maslahat berishni ta’minlash ish bilan bandlikni tartibga solishning faol iqtisodiy usullari hisoblanadi.

Nazorat va muhokama uchun savollar

1. 
   Ish bilan bandlikning asosiy nazariyalari nimalardan iborat?
   
2. 
   Aholini ish bilan bandligi va uning asosiy turlari, shakllari haqida nimalarni bilasiz?
   
3. 
   Ish bilan band bo’lishning qanday asosiy omillarini bilasiz?
   
4. 
   Ish bilan bandlik va uni boshqarish mexanizmi nimalardan iborat?
   
5. 
   Neoklassik va neokenslar nazariyasi nuqtai nazaridan ommaviy ishsizlikning sabablari qaysilar?
   
6. 
   Ishsizlikning o’sishi bilan iqtisodiy pasayish o’rtasida aloqa bormi?
   
7. 
   Ishsizlikni kamaytirishning asosiy yo’nalishlarini aytib bering.
   
8. 
   Ishsizlikni bozor tomonidan tartibga solinishiga davlatning bevosita aralashuvini nima taqozo etadi?
   
9. 
   O’zbekistonda ishsizlikning qanday darajasini tabiiy deyish mumkin?
   
10. 
    O’zbekistonda ishsizlikni kamaytirish bo’yicha qanday chora-tadbirlar amalga oshirilmoqda?