Kafedra mudiri: I. Qur’onov

Sterilizatsiya sifatini tekshirish

Sterilizatsiya qilinishi kerak bo‘lgan buyumlar maxsus o‘ralgan bo‘lib, sterillash indikatori ko‘rinishi o‘zgargan bo‘lsagina sterillangan hisoblanadi. Havo va bug‘ sterilizatorlari maksimal termometrlar va kimyoviy test-indikatorlar yordamida nazorat qilinadi. Sterilizatorlarning ish ko‘rsatkichlari sifati kimyoviy test indikatorlar (rangli, agregat holati) bilan tekshiriladi. Rangli termoindikator, TIK-6 gidroxinon havo sterilizatorlari ishining ko‘rsatkichi bo‘lib hisoblanadi. Qog‘ozga tushirilgan och zangori rangli TTK-6 markali termoindikator 175–180°C da to‘q qo‘ng‘ir rangga kiradi. 0,3 g miqdordagi gidroxinon shisha flakonlarga solinadi. 170–175°C haroratda sarg‘ish qo‘ng‘ir rangdagikukun erib qora tusga kiradi. Bug‘

steniizatorlari esa har kuni mochevina va fuksinli benzoate kislota test indikatori yordamida nazorat qilib turiladi. Oq kukunli mochevina 132°C haroratda, 2 atm. bosimida erib shu rangli eritmani hosil qiladi. Bikslarga 0,3 g mochevina flakonlarga quyiladi. 120°C haroratda 1 atm bosimida fuksin benzoat kislota yordamida sterilizatsiya nazorati o‘tkaziladi. Ular shisha flakonlarga solinib, sterilizatsiyadan oldin bikslarga qo‘yiladi. Harorat yetarli bo‘lganda fuksin erib, benzoat kislota bilan qizil rang hosil qiladi.

Avvalda testindikator sifatida qo‘llanilgan kukun holidagi oltingugurt, antipirin, piramidonlar (110–120°C da eriydi) hozirgi kunda kam ishlatiladi. Shuningdek, Mikulich sinovi ham sterilizatsiya nazoratining bir turi bo‘lib, hozir qo‘llanilmasada tarixiy ahamiyatga ega. Etilen oksidi bilan sterilizatsiya qilinganda test indikator sifatida etilen bilan glitserin eritmasi va litiy bromid, bromkreazol purpuri bilan etanol eritmasi qo‘llaniladi. Sterilizatsiya sifatini har kuni tekshirishdan tashqari tanlash yo‘li bilan har 6–10 kunda sterilizatsiya qilingan materiallar bakteriologik tahlildan ham o‘tkazilishi zarur. Bakteriologik nazorat o‘ta aniq bo‘lib, uning kamchiligi javobining uzoq vaqtdan so‘ng ma‘lum bo‘lishi va bajarilishining qiyinligidir.