Kafedra mudiri: I. Qur’onov

Yangi oʻquv materialini mustahkamlash 2.8Yangi oʻquv materialini oʻzlashtirish darajasini tekshirish boʻyicha tezkor soʻrov oʻtkazadi 2.9. Darsda oʻzlashtirgan bilimlarini tekshirish maqsadida boshlangʻish nazorat olinadi
Tinglaydi, yozib oladi Yozib oladi Diqqat qiladi Savollarga javob beradi Kuzatadi, ma’lumotlarni daftarga qayd qiladi Savollarga javob beradi, test topshirigʻini bajaradi
3-bosqich: Yakuniy qism. 10 daqiqa	Mashgʻulotni yakunlash Mavzu yakunlanadi, bajarilgan ishlarni kelgusida kasbiy faoliyatlarida muhim ahamiyatga ega ekanligiga oʻquvchilar e’tiborini qaratadi Uyga vazifa berilishi Nazorat savollariga javob qaytarish	Diqqat qiladi Topshiriqni yozadi

1. ilova

Baholash mezoni va ko’rsatkichlari

t/r	Nazariy bilimlarni baholash	ball
1	Savollarga to'liq javob berish, misol dalil keltiradi, Mavzu haqida to’liq ma’lumotlarni keltiradi, yangi ma’lumotlarni amaliyotda qo’llay oladi	5
2	Savollarga noto'liq javob beradi, mavzu haqida tushunchalarini to’liq bayon eta olmaydi	4
3	Savollarga qisman javob beradi, yangi va o’tilgan mavzular bo’yicha qisman bilimga ega	3
4	Savollarga umuman javob bera olmaydi, yangi mavzu va o’tilgan mavzular yuzasidan bilimga ega emas.	2

2. ilova

Kichik guruhlarda ishlash qoidasi

1	Talabalar ishini bajarish uchun zarur bilim va masalalarga ega bo’lmog’i kerak
2	Guruhlarga aniq topshiriqlar berilmog’i lozim
3	Kichik guruh oldiga qo’yilgan topshiriqni bajarish uchun yetarli vaqt ajratiladi
4	Guruhlardagi fikrlar chegaralanmaganligi va tazyiqqa uchramasligi haqida ogohlantirilishi zarur.
5	Guruh ish natijalarini qanday taqdim etishini aniq bilishlari, ishlab chiqarish ta’limi ustasi ularga yo’riqnoma berishi lozim.
6	Nima bo’lganda ham muloqotda bo’ling, bajargan ishini erkin namoyon etish

281

Fan bo'yicha o'quvchilarni o'zlashtirish, baholash mezonlari

3-ilova

№	Baholash mezonlari	Baholar
		“5” – a’lo	“4” - yaxshi	“3” - qoniqarli	“2” - qoniqarsiz
1.	Nazariy ma’lumotlarni o’zlashtirishi
2.	Amaliy ma’lumotlarni o’zlashtirishi
3.	Joriy nazorat natijalari
4.	O’rtacha bahosi

24-Mavzu: Soddalashtirilgan fizioterapiya usullari

Reja:

1. 
   Soddalashtirishtirilgan fizioterapiya usullari, ko’rsatma va moneliklar
   
2. 
   Soddalashtirilgan fizioterapiya muolajalarida hamshiralik parvar
   

Oddiy fizioterapiya

Badan terisi tashqi muhitning turli-tuman ta’sirotlarini qabul qiluvchi ko‘p sonli nerv uchlari bilan ta’minlanganligi tufayli, teridan ichki a’zolarga reflektor reaksiyalar qoidasi bo‘yicha qon aylanishiga ta’sir ko‘rsatish mumkin. Nerv retseptorlarining issiq yoki sovuqdan ta’sirlanishi natijasida tomirlar teridagina emas, balki ichki a’zolarda ham kengayadi yoki torayadi. Chalg‘ituvchi vositalar (bankalar, xantalmalar, zuluklar, kompresslar, vannalar va boshqalar)ni qo‘llash shu qoidaga asoslangan. Biroq bu muolajalar bemorda og‘ir asoratlar keltirib chiqarishi mumkin, shuning uchun hamshira ularni bajarish usulini, ta’sirini, ularni qo‘llashga ko‘rsatmalar va monelik qiladigan hollarni yaxshi bilishi kerak.

Xantalma (gorchichnik)

Xantalli qog‘oz teridagi qon tomirlarining efirli xantal moyidan kengayishi bilan bemor terisiga ta’sir ko‘rsatadi. Ko‘rsatmalar. Xantalmalar og‘riqda, o‘pka yoki bronxlar yallig‘lanishi, qon tomirlar spazmi va boshqa qator kasalliklarda qo‘llaniladi. Xantalma o‘lchami 12x18 santimetr qog‘oz bo‘lagidan iborat bo‘lib, unga maxsus usulda quruq xantal yopishtirilgan bo‘ladi. Xantalmani har kim o‘zi tayyorlashi mumkin. Bir osh qoshiqda xantal kukuni olinadi, unga bir osh qoshiqda bug‘doy uni qo‘shiladi va bir xil bo‘tqasimon massa hosil bo‘lguncha issiq suv (45– 50°C) qo‘shib, asta-sekin aralashtiriladi, efir moylari hosil bo‘lishi uchun uni 30 daqiqa qo‘yib qo‘yiladi. So‘ngra bo‘tqasimon massani ikki buklangan dokaga yupqa qilib (0,5 sm) surtiladi, ustiga yana bir qavat doka yoki oq qog‘oz yopiladi va terining kerakli sohasiga qo‘yib, bog‘lam bilan mahkamlanadi. Bu xantalma tayyor xantalli qog‘ozlardan birmuncha kuchli bo‘lib, shu sababli teri kuyib qolishidan saqlanish uchun ularni o‘z vaqtida yechib qo‘yish zarur. Xantalli qog‘ozni quruq va qorong‘i joyda saqlash kerak, saqlash muddati 8—11 oygacha.
Yangi xantalma yaroqsizidan o‘tkir xantal moyining hidi kelib turishi va uqalanib ketmasligi bilan farq qiladi, ishlatishdan oldin bu sifatlarni tekshirib ko‘rish kerak. Xantalm²⁸²ani tananing ma’lum sohalariga qo‘yish mumkin. Ishlatishdan oldin xantalmani iliq suvda (35°Cdan yuqori bo‘lmagan) namlash, silkitish va terining kerakli qismiga xantalli tomoni bilan 10– 15 daqiqaga qo‘yish lozim. Bemorda teri sezuvchanligi yuqori va u achishishni tez sezadigan bo‘lsa, xantalma tagiga ho‘llangan yupqa qog‘oz bo‘lagi, ustidan salfetka yoki sochiq qo‘yish zarur. Xantalmani gazeta ustidan qo‘yish aslo mumkin emas, chunki xantal moyining teriga bevosita ta’siri yo‘qoladi. Xantalma to‘g‘ri qo‘yilgan bo‘lsa teri achishadi, qizaradi. U o‘z vaqtida olinmasa terini kuydirishi mumkin. Xantalma olingandan so‘ng teri iliq suv bilan yuviladi, quruq qilib artiladi, bemor kiyintiriladi va yaxshilab o‘rab qo‘yiladi.