Kafedra mudiri: I. Qur’onov

Sinama qo‘yish. Sinamani qo‘yishda asosiy eritma tibbiyot asboblarining ustiga tegmaydi, shuning uchun tahlil o‘tkazilgach asboblarni qo‘shimcha tozalash talab qilinmaydi. Sinama tibbiyot asboblari, igna va shprislar chayilgan suv bilan qo‘yiladi. Asosiy sinamani qo‘yishdan oldin yaproqchaga musbat va manfiy nazorat sinamalari qo‘yiladi. Buning uchun polistirol yaproqchaga ko‘z tomizg‘ichi yordamida avval 2- flakondagi eritmadan bir tomchi (musbat nazorat), so‘ngra 3- flakondagi eritmadan bir tomchi tomiziladi (manfiy nazorat). Har bir tomchiga bir tomchidan asosiy indikatorli eritma (1- flakon) tomiziladi. Indikatorli eritma bilan qo‘yilgan sinama musbat bo‘lib ko‘k rangga, martfiy sinama esa pushti rangga kiradi. Nazorat sinamalardan so‘ng asosiy sinamani qo‘yish uchun 3–4 tomchi distillangan suv quyiladi va porshen orqali shpris devori bo‘ylab bir necha marta itariladi. Chayindi suvdan bir tomchi olib indikatorli eritma 1- flakonga tomizilganda, ko‘k rang hosil bo‘lishi qon qoldig‘i borligini ko‘rsatadi. Ignalarni tozalanganligini tekshirishda yangi ishlatilmagan shprisga distillangan suv tortiladi va ketma-ket ignalar almashtirilgan²⁰⁰holda ulardan suv o‘tkaziladi va bir tomchidan indikatorli eritmaga tomiziladi. Kateter va ichi teshik asboblarning tozalanganligini nazorat qilishda, toza shpris yoki ko‘z tomizg‘ichi yordamida distillangan suv bilan asbobni ichi chayiladi, so‘ngra chayilgan suvdan bir tomchi olib indikatorli eritmaga tomiziladi.
Ifloslanish darajasini aniqlash. Sinama qo‘yilgan zahoti yoki 1 daqiqadan so‘ng hisobga olinadi. Qon qoldig‘i aniqlanganda sinama musbat bo‘lib, pushti indikatorli eritma ko‘k yoki ko‘kimtir rangga kiradi. o‘simlik xususiyatiga ega bo‘lgan peroksidaza, xlor tarkibli oksidlovchilar (xloramin, xlor ohagi va boshqalar), sintetik yuvuvchi vositalar, temir tuzlar (zang), kislotalar jihozlarda aniqlanganda, indikatorli eritmaning rangi o‘zgarmaydi. Sinamaning o‘ziga xos xususiyatlari. Sinama nam yaproqchaga yoki nam tortuvchi yuzaga (qog‘oz, paxta, doka) qo‘yilmaydi. Sinama qo‘yishga mo‘ljallangan yaproqchalarni yaxshilab yuvilgan va quritilgan holda ko‘p marotaba qo‘llash mumkin. Yaproqchaning chetidan
ushlash lozim, chunki unda qolgan barmoq izlari musbat sinama berishi mumkin. Tibbiyot asboblarida sinamani xona harorati yoki 35°C da qo‘yish lozim.