Kadrlar tayyorlash milliy dasturi ni amalga oshirish uzluksiz ta’lim tizimining tuzilmasi va mazmunini zamonaviy fan yutuqlari va ijtimoiy tajribaga tayangan holda tub islohotlarni ko’zda tutadi

Mustaqil ishlash uchun masalalar:
1-masala: 4 molekula sut kislotaning aerob parchalanishida hosil bo’lgan energiyaning necha % i issiqlik tarzida tarqalib ketadi (a) va necha % i ATF tarkibida to’planadi (b) ?
2-masala. Glyukoza parchalanganda 206 ta ATF hosil bo’ldi. To’liq parchalangan glyukoza molekulalarini hosil qilish uchun o’simlik 90 mol sarflagan bo’lsa, necha mol glyukoza parchalangan?
3-masala. Hayvon hujayralarida 1800 gm glyukoza parchalandi. Shu parchalanishning faqat glikoliz bosqichida hosil bo’lgan energiyaning miqdorini (kj) toping?
4-masala. Muskul to’qimasi hujayralaridagi energiya almashinuvi jarayonining ikkinchi bosqichida 5 molekula glyukoza parchalangan bo’lsa, shu bosqichda qancha (kj) energiya issiqlik tarzida tarqalib ketgan?
5-masala. Hayvon hujayrasida 10070 molekula ATF sintezlandi. Shundan necha molekula ATF sitoplazmada anaerob sharoitda sintezlangan?
6-masala. Energetik almashinuv jarayonida hujayrada 78 molekula ATF va 12 molekula karbonat angidrid gazi hosil bo‘lgan. Aniqlangchi necha molekula glukoza glikolizga uchragan va undan qanchasi oxirgi mahsulotlargacha parchalangan?
7-§. PLASTIK ALMASHINUV. FOTOSINTEZ.
Fotosintez. Fototrof organizmlarga xlorofill pigmentiga ega organizmlar, yashil o‘simliklar, lishayniklar va ayrim bakteriyalar kiradi. Yashil o‘simliklar hujayrasidagi xloroplastlarda to‘plangan xlorofill pigmenti yordamida yorug‘lik energiyasi kimyoviy energiyaga aylanadi. Yorug‘lik energiyasi hisobiga organik birikmalar sintezlanishi fotosintez deyiladi (7-rasm).

7-rasm. Fotosintez jarayoni.
Barcha tirik organizmlarning hayotiy faoliyati fotosintez jarayoni bilan bevosita yoki bilvosita bog‘liq. Fotosintez natijasida avtotrof organizm hujayralarida hosil bo‘lgan organik moddalar, birinchi navbatda shu organizm hujayralari hamda barcha geterotrof organizmlar uchun oziqa va energiya manbayidir. Fotosintez jarayonini quyidagi umumiy formula orqali ifodalash mumkin: