Кадрлар тайёрлаш миллий дастури

Химиявий бирикмалар ҳосил қилувчи қотишмаларнинг ҳолат диаграммалари.  А ва В компонентларнинг химиявий бирикмасига эга бўлган қотишмалар (16-расм б) мураккаб ҳолат диаграммасига эга бўлади. Химиявий бирикма А_m B_n билан белгиланади. Бу ушбу бирикмада А компонентнинг m атомларига В компонентнинг атомлари тўғри келишини кўрсатади. Бу система учта фазага эга: суюқ эритма, В компонентнинг А компонентдаги қаттиқ эритмаси (α фаза) ва А компонентнинг В компонентдаги қаттиқ эритмаси (β фаза).
Ушбу диаграмма иккита система диаграммадан тузилгандек: А компонент - А_m B_n химиявий бирикмада ҳамда В компонент - А_m B_n химиявий бирикма. С нуқтадан чпа томонда қотишмада А_m B_n химиявий бирикмадагига қараганда А компонент кўпроқ бўлади. Демак, бу қотишмаларда С нуқтада чап томонда эвтектика α+ А_m B_n ҳосил бўлади. Демак, бу қотишмаларда А_m B_n+β эвтектика ҳосил бўлади.
Қотишмалар хоссалари билан ҳолат диаграммасининг тури орасидаги боғланиш.
16-расм. Компонентлари қаттиқ ҳолатда чекланган миқдорда эрийдиган ҳол учун (а) ҳамда А ва В компонентлар химиявий бирикма ҳосил қиладиган ҳол учун (б) қотишмаларнинг ҳолат диаграммаси
Ҳолат диаграммасининг тури ва қотишма хоссалари билан аниқланадиган қотишма таркиби ва структураси (17-расм) орасида маълум боғланиш мавжуд. Механик аралашмаларда қаттиқлик Н, электр ўтказувчанлик Е каби ҳоссалар чизиқли ўзгаради (17-расм а). Қаттиқ эритмаларда уларнинг хоссалари эгри чизиқ бўйича ўзгаради (17-расм б) Химиявий бирикмага мос келувчи концентрацқияда хоссалар эгри чизиқлар билан ифодаланади, 17-расм в) Химиявий бирикмага мос келувчи концентрацияда хоссалар эгри чизиғида характерли ўзгариш кузатилади. Бу химиявий бирикмаларнинг индивидуал хоссаларига эга эканлиги билан тушунтирилади. Химиявий бирикмалар уларни ташкил этувчи компонентлар хоссаларига кескин фарқ қилади.
Ҳолат диаграммаларига қараб қотишмаларнинг технологик хоссаларини ҳам аниқлаш мумкин, бу буюм тайёрлаш учун материал танлашни енгиллаштиради. Ўз навбатида эвтектика қотишмаларнинг суюқ ҳолатда оқувчанлиги яхши.
17-расм. Механик аралашма (а), қаттиқ эритма (б), химиявий бирикма (в) типидаги қотишмалар учун таркиб – ҳолат диаграммаси: А ва В – қотишма компонентлари, А_m B_n – химиявий бирикма, Н-қаттиқлиги,
Е-электр ўтказувчанлиги.