K. Z. Homitov iqtisod fanlar doktori, dotsent

Xulosa

1. 
   Xalqaro lizing taraqqiyoti oldidagi to‘siqlarni yo‘q qilish, undan foydalanish imkoniyatlarini kengaytirish maqsadida turli mamlakat va xalqaro tashkilotlar mutaxassislari tomonidan Xalqaro moliyaviy lizing bo‘yicha (UNIDRUA) Ottava konvensiyasi ishlab chiqilgan va 1988-yilning may oyida qabul qilingan. Bu turdagi qonunning qabul qilinishi xalqaro lizing rivojlanishining asosi bo‘lib qolmasdan uning kelajagini belgilab berdi.
   

Lizing faoliyati uchun eng maqbul sharoitlar Germaniya, Buyuk Britaniya, Irlandiya, Norvegiya va AQSH davlatlarida yaratilgan. Irlandiyada lizingni rag‘batlantirish maqsadida lizing tashkilotlariga davlat subsidiyalari, tezlashtirilgan amortizitsiyalardan foydalanish imkoniyatlari va boshqa ko‘plab qulayliklar taqdim etilgan.

2. 
   Kuzatuvlar shuni ko‘rsatmoqdaki, lizing faoliyatining rivojlanishiga qonunchilikdan ko‘ra ko‘proq davlatning makroiqtisodiy muhiti ko‘p ta’sir etadi. Bu jarayonda davlatning investitsiyalar oqimini qo‘llab-quvvatlashi va lizingga uning muhim ko‘rinishi sifatida qarashi asosiy omil bo‘lib xizmat qiladi. O‘zbekiston lizing sektorini yanada rivojlantirish, uning xalqaro maydonlarga integratsiyasini ta‘minlash maqsadida respublikamizda muntazam ravishda Toshkent xalqaro lizing forumi o‘tkazilib kelinmoqda. U lizing jamoatchiligi vakillari muloqoti uchun interaktiv maydon bo‘lib xizmat qilmoqda. Mamlakatimizda ishlab chiqarish mehnat resurslarining asosiy qismi qishloq xo‘jalik sektoriga to‘g‘ri kelishi munosabati bilan lizingning katta qismi qishloq xo‘jalik texnikasi va qishloq xo‘jalik mahsulotlarini qayta ishlash uskunalariga to‘g‘ri kelmoqda.
   

Bobga oid tayanch so‘z va iboralar

Xalqaro lizing, lizingning taraqqiy etishi, lizingning rivojlanishi, lizing munosabatlari, Ottava konvensiyasi, loyiha, investitsiya dasturi, ishlab chiqarish, lizing oluvchi, lizing beruvchi, vositachi, moliyaviy lizing, lizing kompaniyalari, lizing operatsiyalari, lizing infratuzilmasi, soliqqa tortish, soliq imtiyozlari.