K o` chirma qatnashdilar: p f. n. Yelemesova Z. A., dots. Suyunov M. S., Katta o`qituvchilar

“KROSSVORD”

Krossvord o`yinini o`tkazish uchun o`quvchilar yoshiga mos holda juda sodda ko`rinishda krossvordlar tuzib olinadi. O`quvchilar mustaqil ravishda javoblarni topib yozadilar.
Dastlab krossvordlar o`qituvchi boshchiligida hal etiladi. O`quvchilarda krossvordlarni hal etish ko`mkmalari paydo bo`lgandan keyin o`qituvchi nazorati ostida mustaqil yechadilar.
Krossvord» o`yini o`quvchilar dunyoqarashini o`stirish bilan birga, ularga so`zlar imlosini yodda saqlab qolishlariga ham imkoniyat yaratadi.
Boshlang`ich sinflarda krossvordlar suratlar asosida ham berilishi mumkin.
Suratlar asosida berilgan boshqotirma quyidagicha yechiladi:
O`qituvchi: 2-suratda nima tasvirlangan?
O`quvchilar: Anor.
O`qituvchi: «Anor» so`zi nechta harfdan iborat?
O`quvchilar: To`rtta.
O`qituvchi: «Anor» so`zini «1» raqami ostidagi to`rtta katakchaga yuqoridan pastga qarab yozamiz.
2-suratda nima tasvirlangan?...
Shu tarzda katakchalakar to`ldirib boriladi.
O`yin avvalida katakchalarga so`zlarni o`qituvchi yozib bergan bo`lsa, keyingi so`zlarni o`quvchilar navbat bilan yozishlari ham mumkin.
Katakchalakarni to`ldirishda o`quvchilarning bevosita ishtiroki ularning qiziqishlarini oshiradi.
Katakchalar to`ldirib bo`lingach, o`qituvchi ajratib ko`rsatilgan (yo`g`on chiziq bilan chegaralangan) katakchalarda yozilgan so`zlarni o`quvchilar bilan birgalikda o`qiydi.
Krossvordlardan darsda va darsdan tashqari mashg`ulotlarda foydalanish mumkin.
Biz quyida 2-sinflar uchun qo`llash mumkin bo`lgan krossvordlarning bir nechta variantlarini keltiramiz.
1-variant
Bu krossvord 2-sinf o`quvchilari uchun mos bo`lib, bunda topshiriqlar rasmlar asosida berilgan. Bunday rang-baranglik o`quvchilar uchun qiziqarli bo`ladi.
2- variant:
Onalar qo`shig`i.
Otamning opasi.
G`ildirakli qurilma.
Duradgorlik asbobi.
Bolaning ko`rgan narsalarni esda saqlab qolishi ko`rgazmali qurollarning did bilan ishlanishiga bog`liq bo`ladi. Agar kichik yoshdagi o`quvchilar esda saqlab qolish usullariga o`rgatilmasa, bunday hollarda bolalar materialdan bevosita ta`sirlanish darajasi uzoq vaqtgacha to`xtab qoladi.
Didaktik o`yinlar jarayonida o`quvchining rasm mazmunini gapirib berishi g`oyat foydalidir. Shuning uchun o`qituvchi rasm orqali adabiy tilda jonli, qiziqarli so`zlab, shaxsiy namuna ko`rsatishi kerak. Tarqatma materiallar, rasmlar va boshga ko`rgazmali qurollar o`quvchilar faolligini oshiradi.