K. N. Nishonboyev. J. H. Xamidov

Ta'sirlanuvchanlik - organizmning tashqi va ichki ta'sirotlarga bo‘lgan 
javobidir. Nerv sistemasi rivojlanmagan organizmlarda ta'sirlanuvchanlik tropizm, 
nastiya, taksis shaklida namoyon bo‘ladi. 
Ta’sirlanuvchanlik organizmning doimo o‘zgarib turuvchi tashqi muhit 
sharoitlariga moslashishini ta'minlaydi. Harakat qilish ham tirik mavjudotlarga xos 
xususiyatlardan, ta'sirlanuvchanlikning tashqi ifodasi sifatida namoyon bo‘ladi. 
Hujayrada harakat-sikloz, (o‘simlik hujayralarida) amyobasimon, tebranuvchi, 
kiprikli, xivchinli, mushakli shakllarda yuzaga chiqadi. Biologik harakatning eng 
oliy darajasi - mushak harakati hisoblanadi. Ularda qisqaruvchi va yoziluvchi 
maxsus organoidlar miofibrillalar harakatini yuzaga chiqaradilar.