K. N. Nishonboyev. J. H. Xamidov

Vaziyatga doir masalalar. 
1.Agar tez-tez yozsak yoki tinmay juda tez harakat qilsak charchab qolamiz, 
mushaklarimiz qisqarishi va yozilishi susayadi. Bu hodisa mohiyatini tushuntirib 
bering va shu hodisani ifodolovchi kimyoviy reaksiyani yozib bering. 
2.Fiziologlarning ko‘rsatishicha, sut kislotasining biroz miqdorda hosil bo‘lishi 
mushak qisqarishini jadallashtiradi. Masalan, sportchi musoboqadan oldin biroz 
mashq qiladi. Sut kislotasining juda ko‘p miqdorda hosil bo‘lishi esa mushak 
qisqarishini susaytiradi, uni tezda charchatib qo‘yadi. Bundan tashqari sut kislotasi 
hosil bo'lishi uchun ko’p glyukoza sarf bo‘ladi, ATF esa kam hosil bo'ladi. Endi 
quyidagi holatlarni ilmiy izohlab bering. 
a) yuragi birmuncha kasallangan kishi tez chopsa yoki og’ir jismoniy mehnat qilsa, 
mushaklari kislorod bilan yetarli taminlanmaydi va natijada kislorodsiz 
gljukozaning parchalanishi kuzatiladi. Bunday vaqtda kishi nimani his qilishi 
mumkin? 
b) "juda charchadim", "kuchim qolmadi" degan iboralarni qanday tushunish kerak? 
3. Kishi terisida melanin pigmenti  hosil bolish jarayoni buzilgan, ya'ni albinizm 
kasalligi kelib chiqqan. Bu xastalik asosida qanday modda almashinuvi 
buzilganligini tushuntirib bering.