K ibraхimov, Т. Kadirshayev, A. Sobirjonov, N. Mo’minjonov, S. Raхimberdiyev

 
YOQSHlarning bosh rejasi va texnologik sxemasi.
Bosh reja
– bu binolar 
va inshootlar, hududdagi texnologik kommunikatsiyalar va muxandislik tarmoqlari, 
obodonlashtirishni joylashtirish va rejalashtirishni kompleks xal qiladigan hamda 
YOQSHni axoli punktlarida, sanoat yoki avtotransport uzellarida joylashtirish 
loyihasining bir qismidir. U YOQSH joylashadigan aholi punktini rejalashtirish 
loyihalari bilan hamda yaqin aholi punktining kichik tumanlarini rejalashtirish va 
qurilishi, yaqin atrofdagi avtomagistrallar bilan bog’langan bo’lishi kerak. Unda 
ma’muriy tumanni rivojlantirish istiqboli hisobga olingan bo’lishi kerak.
YOQSHning bosh rejasini to’g’ri loyihalashda ekspluatatsion, yong’in 
xavfsizligi va ekologik holatlarni eng qulay sharoitlari yaratiladi (5.1 – rasm). 
Тexnologik talablar ko’p hollarda asosiy ishlab chiqarish ob’ektlarini o’zaro 
joylashishini, quvvat bo’yicha talab esa (sutka davomidagi yonilg’i quyishlar soni) – 
YOQSHni umumiy maydoni va rezervuarlar parki hajmini aniqlaydi.
Yong’inga qarshi va sanitar me’yorlar YOQSHdan unga taalluq bo’lmagan 
ob’ektlargacha bo’lgan minimal ruxsat etilgan masofalarni aniqlaydi.
YOQSH qurilishi mo’ljallanayotgan maydon texnikaviy, yong’in va sanitar 
epidemiologik nuqtai nazardan qator talablarga javob berishi kerak.
YOQSH maydoni, hududga yonilg’i quyishga kiradigan avtomobillar va 
stansiyaga yonilg’i tashib keltiradigan avtomobillar uchun qulay bo’lishi kerak. 
Maydoncha atrofida sanitar himoya mintaqasi tashkil etilishi zarur.
Maydon chegarasidan qo’shni uy, sanoat qurilish imoratlarigacha bo’lgan
masofa sanepidnazorat va yong’in nazorati me’yorlari bo’yicha bajarilgan bo’lishi 
kerak. YOQSHni yo’l bo’yida joylashishi yo’l belgilari bilan ko’rsatiladi.

---

155