К. Абдуназаров, А. Зайнуддинов умумий ер

6.3. Географик қобиқнинг радиацион ва иссиқлик мувозанати 
 
Ер юзасига келаётган ва қайтаётган радиация ўртасидаги фарқ географик 
қобиқнинг радиацион мувозанати деб аталади. Географик қобиқнинг радиацион 
мувозанати Ер юзасининг ва атмосферанинг радиацион мувозанатлари йиғиндисидан 
иборат. Ер юзасига келган радиацияни ялпи радиация ташкил қилади, Ер юзасидан 
кетаётган радиацияни эса альбедо ва эффектив нурланиш ташкил қилади.
Радиацион мувозанат қуйидаги тенглик орқали ифодаланади:
R= Q (1-

) – Eэф 
R- радиацион мувозанат, Q- ялпи радиация, 

- альбедо, Еэф- эффектив 
нурланиш. 
Агар географик қобиққа келган радиация қайтган радиациядан ортиқ бўлса, 
радиацион мувозанат мусбат бўлади, агар кам бўлса манфий бўлади. Тунда ҳамма 
кенгликларда радиацион мувозанат манфий бўлади, кундузи эса мусбат бўлади. Сутка 
давомида радиацион мувозанат мусбат ҳам, манфий ҳам бўлиши мумкин. 
Қуруқликда ва океанларда йиллик радиация мувозанати миқдори Ер юзаси 
бўйича турлича тақсимланади. Қуруқликда радиация мувозанати миқдори экваториал 
ва тропик кенгликларда энг катта (1 см
2
га 60-90 ккал). Айниқса барча тропик 
ўрмонларда, саванналарда жуда юқори, булутлик юқори ва қуруқ ҳудудларда камроқ. 
Мўътадил ва юқори кенгликларда географик кенглик бўйича камайиб боради. 
Антарктиданинг марказий қисмларида йиллик радиация мувозанати манфий, 
Арктикада эса 0 атрофида. Дунё океанида йиллик радиация мувозанати қуруқликка 
нисбатан юқори ва унинг тақсимланиши зонал қонунига бўйсунади (30-расм). 
Географик қобиқнинг йиллик радиация мувозанати мусбат. Демак, Ер юзасида 
ортиқча иссиқлик вужудга келади. Мазкур иссиқлик географик қобиқда турли 
жараёнларда сарфланади. Мазкур иссиқликнинг нималарга сарфланишини иссиқлик 
мувозанати орқали тушунтирилади.
Иссиқлик мувозанати тенгламаси қуйидагича ифодаланади: 
Агар Қуёшдан Ер юзасига келаётган иссиқликни 100% деб олсак, унинг 31%и 
атмосферадан фазога қайтарилади (7% сочилиб кетади, 24% булутлардан қайтарилади), 

---

153 
келаётган иссиқликни 17% атмосфера томонидан ютилади (3% азон қатлами 
томонидан, 13% сув буғлари ва 1% булутлар томонидан ютилади). Қолган 52% (тўғри 
ва сочилган) радиация Ер юзасига етиб келади. Унинг 4%и қайтарилади, 48% ютилади. 
Ютилган (48%) радиациянинг 18% эффектив нурланишга сарфланади. Бунда Ер 
юзасининг радиация мувозанати (қолдиқ радиация) 30% (52%-4%-22%) ни ташкил 
қилади. Буғланишга 22% радиация сарфланади, атмосфера билан иссиқлик 
алмашинувига эса 8%. Унда Ер юзасининг иссиқлик мувозанати:
30%-22%-8% = 0