Juft tuyoqlilarning umumiy tavsifi, iqtisodiy ahamiyati mavzusidagi kurs ishi

Hayvon yog’ining qayta ishlanishi. Hozirgi go’sht kombinatlarida yog’ maxsus jihozlangan va texnika jihatdan mukammallashtirilgan bug’ bilan isitiladigan qozonlarda eritiladi. Sanitariya texnikasi talablariga binoan oziq-ovqat uchun ishlatiladigan hayvon yog’lari ayrim xonada maxsus qozonlarda eritiladi. Bu qozonlarda texnika yog’larini eritishga yo’l qo’yilmaydi. Eritilgan toza yog’ kimyoviy tarkibi va fizikaviy xususiyatlari bilan xom yog’dan farq qiladi. Shuning uchun hayvon yog’larini ishlab chiqarish texnologiyasida eritilgan toza yog’ va xom yog’ (yog’ to’qimasi)ni ajratish kerak. Toza hayvon yog’i uch gliseridli to’yingan va to’yinmagan yog’ kislotalardan iborat. Gliserinning bir molekulasiga har xil to’yingan va to’yinmagan kislotalar bog’langan bo’lishi mumkin. Tirik hayvonning yog’ to’qimasida yog’ neytral reaksiyaga ega. Hayvon yog’ining zichligi undagi to’yingan yoki to’yinmagan yog’ kislotalarning miqdoriga bog’liq. Yog’da to’yingan yog’ kislotalarqancha ko’p bo’lib, to’yinmaganlari oz bo’lsa, yog’ shuncha zich bo’ladi va aksincha.