Jizzax politexnika instituti

4.4. Yuqori (8-9) sinflarda harakatli о’yinlar

О’quv dasturlarining talablari yuqori sinf о’quvchilari oldiga muayyan maqsad va vazifalarni qо’yadi. VIII-IX sinf о’quvchilari ijtimoiy va ishlab chiqarishga xos о’yinlar bilan shug’ullanadilar. Bu esa harakatga о’yinlar uchun ajratilgan vaqtdan unumli foydalanish va uni tejashnn talab qiladi.

Bunday sharoitda harakatli о’yinlarniig jismoniy tarbiya darslarida va jismoniy tarbiya bо’yicha о’tkaziladigan boshqa mashg’ulotlarda yetakchi о’rin olishi tabiiydir.

Katta maktab yoshidagi о’quvchilar faoliyatida harakatli о’yinlar salmoqli о’rin tutadi. Chunki ular asosan sportning har hil turlari texnikasi va taktikasining asosiy elementlari kiritilgan о’yinlar bilan shug’ullanadilar.

Garchi harakatli о’yinlar mashg’ulotlarga kiritilsa ham, bunda sportning har hil turlari bо’yicha orttirilgan harakat kо’nikmalarini takomillashtirish va mustahkamlash nazarda tutiladi.

Demak о’qituvchi о’yinni о’tkazish jarayonida о’yin harakatlarining bajarilishini alohida e’tibor bilan kuzatishi lozim.

Mazkur yoshdagi о’quvchilar uchun tuzilgan maktab dasturida gimnastika va sportning boshqa turlariga kattagina о’rin berilgan. О’z- о’zidan ayonki, darsga kiritiladigan о’yinlar harakatlarning u yoki bu elementlarini о’zlashtirishga yordam beradigan mashqlardan iborat bо’lishi kerak.

Agar darsning asosiy qismiga sport о’yinlaridan birortasi kiritilgan bо’lsa, uning kirish qismida shu sport turining taktikasiga mos keladigan harakatli о’yinlarni о’tkazish juda foydalidir.

Darsning yakunlovchi qismida о’tkaziladigan harakatli о’yinlarniig vazifasi yaxshi dam olish va kayfiyatni yaxshilash uchun mushaklarga zо’r berishni kamaytirish, nafas olish organlari va qon aylanishini birmuncha tinchlantirishdan iboratdir. “О’ylab top”, “Man qilingan harakat” singari о’yinlar, diqqatni sinash uchun о’tkaziladigan darsning yakunlovchi qismidagi vazifalarni amalga oshirishda yordam beradi.