Jizzax politexnika instituti

“Polizga kirgan quyonlar” о’yini

О’yinning tavsifi. Ikkita aylana chiziladi. Ulardan biri ikkinchisining ichiga chizilgan bо’ladi. Tashqi aylananing diametri 7-9 m, ichki aylananiki esa 3-4 m bо’ladi. Bitta о’yinchi onaboshidan boshqa hamma bolalar quyon bо’lib, katta aylanadan tashqarida turadilar. Onaboshi (qorovul) ingichka rezinaga bog’langan qog’oz koptokchani ushlab kichik doiraning о’rtasida turadi. Kichik doira poliz bо’ladi. Quyonlar ikki oyoqlab sakrab, goh polizga tushadilar, goh katta doiraning tashqarisiga chiqadilar.

Qorovul poliz ichida va aylana chizig’i bilan chkgaralangan maydonda yugurib yuradi. U har gal о’ziga qaytib keladigan rezinali koptok bilan quyonlarni “otish” ga harakat qiladi. Quyonlar har tarafga sakrab-sakrab chap berib qochadilar va tez-tez polizga tushishga intiladilar. Qorovulning koptogi tekkan quyon otilgan hisoblanadi. Otilgan quyon katta doiradan chiqishi va “о’q tekkan” joyni 5-6 marta shoshmasdan silashi kerak. Quyonni otgan qorovul boshqa о’yinchilar qatoriga kiradi va uning о’rniga otilgan quyon о’tadi.

Rahbar polizga kо’proq tushib, qorovulning “о’qi” kamroq tekkan yoki sira ham “о’q” yemagan quyonlarni aniqlaydi. Bunday bolalar eng chaqqon о’yinchilar hisoblanadi.

О’yinning qoidalari. 1. Quyon bо’lib qatnashayotgan о’yinchilarga bir oyoqda yugurish va sakrash man etiladi. 2. Onaboshi (qorovul) о’yinchilarga poliz va katta aylana ichidagina koptokni tegizishi mumkin.

Eslatma.О’yinni 30 minutacha davom ettirish va bir necha marta takrorlash, har safar takrorlashdan oldin bolalar biroz dam olishi ma’qul.

О’ynning о’ziga xos harakatlari oldinga, orqaga sakrash va bunda chaqqonlik bilan chap berishdir.