2. Kurs ishi mavzusini tanlash
Kurs ishlari mavzulari va ularni taxminiy rejalari kafedra o’qituvchilari tomonidan ishlab chiqiladi. Talaba kurs ishini yozish bo’yicha o’z tajribalarini, ilmiy manfaatlarini va shaxsiy imkoniyatlarini hisobga olib, kurs ishi yozilayotgan mutaxassislik fanini olib borayotgan professor-o’qituvchi bilan maslahatlashgan holda kurs ishi uchun mavzu tanlaydi. Tanlangan mavzu korxona faoliyatini tashkil etish va boshqarish, uni ichki va tashqi muhitini, iqtisodiy ko’rsatkichlarini tahlil qilish, tovar strategiyasini ishlab chiqish va takomillashtirish bo’yicha ilgari bajarilgan tadqiqot ishlarini davomiyligini ta’minlashi lozim.
Talaba kurs ishi uchun mavzu tanlab bo’lgach, kurs ishi mavzusi bo’yicha foydalaniladigan ma’lumotlarni tavsiya etiladigan topshiriq variantlaridan oladi (shuningdek, talaba real sektor bo’yicha muayyan korxona yoki tashkilotni tanlab, uning faoliyatiga oid ma’lumotlardan foydalanishi mumkin).
3. Kurs ishini tuzilishi va mazmuni
“Innovatsion menejment” fani bo’yicha kurs ishi 5-kursning 10-semestrida topshiriladi.
Kurs ishi kirish, ikki bob, xulosa va takliflardan hamda foydalanilgan adabiyotlar ro’yxati va ilovalardan iborat bo’ladi. Kurs ishining rejasi talaba tomonidan ilmiy rahbar bilan maslahatlashgan holda tuziladi.
Kurs ishini kirish qismida tanlangan mavzuni dolzarbligi va mamlakatimiz iqtisodiyotidagi ahamiyati, aniq sharoitlarda bu masalaning qo’yilishi va yechimining o’ziga xos jihatlari asoslab beriladi. Shuningdek, kirishda kurs ishning maqsad va vazifalari aniq ko’rsatiladi.
Kurs ishining birinchi bobida o’rganilayotgan mavzuning nazariy asoslari ifodalanadi, mamlakatimiz iqtisodiy salohiyatini oshirishni ta’minlash va tanlangan mavzuning o’rganilganlik darajasi tahlil qilinadi, umumnazariy masalalari ko’rib chiqiladi.
Kurs ishining ikkinchi bobida amaliy ma’lumotlardan foydalanilgan holda ishlab chiqarish menejmentiga tavsifnoma beriladi, tanlangan mavzuga oid barcha nazariy bilimlardan, iqtisodiy-statistik va qiyosiy tahlil, matematik usullardan foydalangan holda korxonaning ichki va tashqi muhiti tahlil qilinadi.
Kurs ishini bajarish vaqtida ko’rib chiqiladigan iqtisodiy ko’rsatkichlar ro’yxati, tahliliy o’rganish davri, tahlil qilish shakllari va jadvallari, foydalanishi mumkin bo’lgan statistik, taqqoslash-qiyoslash, hamda iqtisodiy matematik usullar ilmiy rahbar bilan kelishiladi. Jadvallardagi ma’lumotlarni o’rganish, tahlil qilish o’rganilayotgan ob’ektni ish faoliyatidagi kamchiliklarni va foydalanilmayotgan manbalarni ko’rsatib berishga imkon beruvchi xulosalar bilan tugallanishi lozim.
Ishning asosiy qismi o’rganilgan mavzudagi faoliyatni takomillashtirish, samaradorligini oshirish va mavjud kamchiliklarni bartaraf etish bo’yicha takliflar bilan tugallanadi. Xulosa va takliflarda o’tkazilgan tadqiqotga qisqacha yakun yasalib, tanlangan kurs ishi mavzusi yo’nalishlariga muvofiq, holda korxonani iqtisodiy rivojlanishini, istiqboliga ta’sir etuvchi asosiy omillarni o’rganishga qaratilgan, hamda ularni samaradorligini oshirish bo’yicha aniq, takliflar bayon etiladi.
Kurs ishi talaba tomonidan mustaqil holda mantiqiy jihatdan savodli uslubda yozilgan bo’lishi kerak.
Do'stlaringiz bilan baham: |