Jizzax davlat pedagogioka institut

-Qishloq va suv xo‘jaligi vazirligi tizimida jismoniy tarbiya va sport ishlari
Yuqorida ta’kidlanganidek, o‘quv yurtlariga ega bo‘lgan barcha vazirliklar, Davlat qo‘mitalari o‘z sohalarida jismoniy tarbiya va sport ishlarini tashkil qiladilar. Undan tashqari, o‘z ixtisosliklarida faoliyat ko‘rsatayotgan mehnat jamoalari, muassasalar va tashkilotlardagi aholi-ning jismoniy jihatdan sog‘lom bo‘lishini ta’minlash ularning muhim vazifalariga kiradi.
Ma’lumki, qishloq va suv xo‘jaligi vazirligi tizimida ham ko‘pgina o‘rta maxsus va oliy o‘quv yurtlari mavjuddir. Ularning o‘quv rejalari va dasturlarida jismoniy tarbiya darslari hamda ommaviy sport tadbirlari asosiy faoliyatlar tarkibidan o‘rin egallagan. Chunki mu-taxassislarni jismonan baquvvat qilib tarbiyalash umumdavlat ahamiyatga molik bo‘lgan pedagogik jarayon hisoblanadi.
Mehnatkash yoshlarning ish qobiliyatlarini, mehnat unumdorligini oshirish va ularning jismonan tetik bo‘lishida jismoniy tarbiya va sport mashg‘ulotlari muhim omillardan biridir. Shu sababli ishlab chiqarish korxonalari, ularning sport majmualarida sport klublar faoliyat ko‘rsatadi. Unda yetakchi murabbiylar, tajribali uslubiyatchilar mehnat qilishadi.