Жисмоний маданият ва спортнинг

ХХIII Олимпия ўйини, 1984 йил Лос Анжелес (АҚШ). Ўйинларда СССР ва бир қатор социалистик давлатлар (СССР тарафдорлари) иштирок этишмади. Бунинг сабаби АҚШга бойкот (исён) жавоби бўлса, иккинчидан АҚШ ҳукумати спортчилар хавфсизлигини ўз бўйинларига олишмади. Ўйинларда АҚШ олдинги сафда борди.
XXIV олимпия ўйини 1988 йил Сеул (Жанубий Корея). Аввалги бобларда такидланганидек ХОҚ президенти Хуан Антонио Самаранч ва халқаро спорт уюшмаларининг раҳбарлари томонидан олиб берилган фаол ҳаракатлар СССР ва АҚШ спортчиларининг яна спорт майдонларида куч синашишларига эришди.
Ўйинларда 159 мамлакатдан 8473 спортчи иштирок этди. АҚШ-612, СССР-518, Жанубий Корея-467, ГФР-407, Канада-382, Буюк Британия-370, Хитой-293, ГДР-288 спортчи билан қатнашди. Олимпиадада СССР 132 та медал (олтин-55, кумуш-31, бронза-46) билан олдинги ўринга чиқди. ГДР 102 та (37-35-30) ва АҚШ-94 та медал билан (36-31-27) кейинги ўринларни эгаллади.
XXV Олимпия ўйини 1992 йил Барселона (Испания). Бу ўйиндасобиқ СССР ўрнига Россия билан ҳамкорликда собиқ республикаларнинг (СНГ) спортчилари сўнгги марта иштирок этишди.
Ўйинларда мустақил давлатлар ҳамдўстлиги (МДҲ-СНГ), АҚШ, Германия, Хитой, Куба, Венгрия мамлакатларининг спортчилари шиддатли курашлар олиб боришди. МДҲ-СНГ 112 медал (45 та олтин, 38 та кумуш, 29 та бронза) билан биринчиликни эгаллади. АҚШ-108 медал (37-34-33), Германия-82 медал (33-21-28), Хитой-54 медал (16-22-6), Куба-31 медал (14-6-11) ва Венгрия-30 медал (11-12-7) олишга муваффақ бўлди.
XXVI Олимпия ўйини, 1996 йил Атланта (АҚШ). Бу ўйин 19 июлдан 4 августгача давом этади. 197 миллий олимпия қўмиталарининг 10.305 нафар спортчилари иштирок этади. Бу Олимпия тарихида энг юқори натижа эди. Мусобақалар 26 спорт тури бўйича ўтади. Курашларда АҚШ 44 та олтин, Россия-26, Германия-20, Хитой-16, Франция-15, Италия-13, Австралия-9, Куба-9 медаллар совриндори бўлишди.
Бу ерда ҳам кўнгилсиз ҳодиса юз беради. 27 июль кечаси “Ўйинлар юз йиллиги” истироҳат боғида бомба портлайди. Бунда 44 ёшли Америкалик аёл ва 40 ёшли Турк телекомментатори вафот этади. АҚШ президенти Билл Клинтон чиқиш қилиб, минтақанинг барча худудларидаги зараркунандаларни қоралади. ХОҚ бир дақиқа мотам садосини ўтказиб ўйинларни давом эттиришга қарор қилди.