Жисмоний маданият ва спорт ишларини мактабдан ташқари муассасалар орқали ташкиллаш оилада жисмоний тарбия машғулотларининг шакллари

Катта йўриқчи - услубчи методист жисмоний тарбия бўйича маълумотга эга бўлиши шарт. У йўриқчи услубчи ишига раҳбарлик қилади ва уларнинг фаолияти устидан назорат олиб боради, методик кабинет ишига жавоб беради, болалар ва ўсмирларнинг олимпия заҳираларига ихтисослашган спорт мактаби фаолиятини тумандаги (шаҳардаги) методик марказ сифатида ташкил этади, ўқувчиларни тарбиялаш бўйича умумактаб тадбирларини ўтказишда жавобгар бўлади. Катта йўриқчи-услубчи иш юзасидан директорга ва ўқув ишлари бўйича бўлим мудирига (директор ўринбосарига бўйсунади).
Мактабдаги мураббий-ўқитувчилар таркиби ҳам жисмоний тарбия бўйича олий маълумотли мутахассислардан иборат бўлади.
Катта мураббий-ўқитувчиларни тўғри комплектлаш ва спорт маҳоратини ошириб боришга, бўлим (гуруҳ)ларда ўқув жараёнини ташкил қилиш ва режалаштириш қабул қилинган ва назорат синовларини амалга ошириш белгиланган муддатда ўқувчиларни тиббий кўрикдан ўтказиш мураббий-ўқитувчиларнинт ишларини ва малакасини ошириш бўйича тадбирлар ташкил қилишни ҳисобга олишга маъсул.
Мураббий-ўқитувчилар ўқув гуруҳларини тўғри комплектлаш, ўқув дастурини бажарилиши малакали ёш спортчилар, жамоатчи-инструкторлар, спорт бўйича ҳакамлар тайёрлаш, ўқувчилар билан тарбиявий ва ўқув-машқларини ўтказиш ишларига жавоб берадилар.
Иккала турдаги спорт мактабларида ҳам директор ўқув ишлари бўлими мудири, катта йўриқчи-услубчилар, катта мураббий-ўқитувчилар, врач, ота-оналар кенгаши комитетининг раисидан иборат таркибдаги педагоглар кенгаши ташкил қилинади. Педагоглар кенгашига Халқ таълими, жисмоний тарбия, касаба союзлари, камолот органлари ва жамоатчилик ташкилотлари вакиллари ҳам киритилиши мумкин. Кенгаш камида бир кварталда бир марта йиғилиш ўтказади вз ўқув, тарбиявий, услубий, оммавий спорт ишлари, врач назорати кабилар бўйича муаммо ва масалаларни ечими билан шуғулланади.
Спорт турлари бўйича бўлимларда мураббийлар кенгаши тузилади ва унга катта мураббий-ўқитувчилар раҳбарлик қилади. Бу кенгаш камида ойда бир марта ўқув-тарбиявий ишлар, мусобақаларда иштирок этиш, ёш спортчиларни тайёрлаш ва тажриба алмашиниш бўйича очиқ тренировкалар, семинарлар ўтказади, ахборотлар алмашади.
Ота-оналар кенгаши тарбия ишларини, соғломлаштириш-спорт лагерларини ташкил этиш, ўқув-спорт базаларини мустаҳкамлаш кабиларга раҳбарлик қилади ва мактабнинг мураббий-ўқитувчилар кенгашига бевосита ёрдам беради.