|
2-mavzu. Mashg‘ulotning asosiy qoidalari va tashkil qilinishi, gimnastika mashg‘ulotlarida yurish, yugurish mashqlari
Reja:
2.1. Gimnastika mashg‘ulotining qoidalari
2.2. Gimnastika mashg‘ulotlarida yurish va yugurish mashqlari
2.3. Gimnastika mashg‘ulotlarida shikastlanishning oldini olish
Mashg‘ulotning asosiy qoidalari va tashqil qilinishi, gimnastika mashg‘ulotlarida yurish mashqlari, gimnastika mashg‘ulotlarida qo‘llaniladigan yugurish mashqlari, mashg‘ulotlarda shikastlanishning oldini olish chora tadbirlari, shikastlanishning sabablari, gimnastika mashg‘ulotlarida sanitariya-gigiena shartlari, gimnastika mashg‘ulotlarida bolalarni muhofaza qilish hamda yordam ko‘rsatishga o‘rgatish usullari, o‘z-o‘zini nazorat qilish.
3-mavzu. Saf mashqlari tasnifi va o‘rgatish uslubiyati
Reja:
3.1. Saf usullari.
3.2.Saf mashqlari yordamida jamoa bo‘lib harakatlanish.
Asosiy mashqlar. Saf usullari, saflanish va qayta saflanish, bir joydan ikkinchi joyga ko‘chish usullari, orani ochish va yaqinlashtirish, saf mashqlari yordamida jamoa bo‘lib harakatlanish, ritm va sur'at xissiyotini tarbiyalash masalalarini muvaffaqiyatli hal etish, intizomlilik va uyushqoqlik.
Dasturning axborot-metodik ta’minoti
Modulni o‘qitish jarayonida ishlab chiqilgan o‘quv-metodik materiallar, tegishli soha bo‘yicha ilmiy jurnallar, Internet resurslari, multimediya mahsulotlari va boshqa elektron va qog’oz variantdagi manbalardan foydalaniladi.
II. NAZARIY MASHG‘ULOTLAR MAZMUNI
1-mavzu: Gimnastikaning asosiy tushunchalari va maxsus atamalari
Reja:
1.1. Atamalarning ahamiyati.
1.2. Atamalarni yasash usullari.
3. Akrobatika mashqlarini yozish.
Tayanch tushunchalar: gimnastika mashqlari, gimnos, tushuncha, tushunarlilik, aniqlik, qisqalik, akrobatika.
1.1. Atamalarning ahamiyati
Atamalar jismoniy tarbiya mashg‘ulotlarida jismoniy tarbiya instruktori bilan tarbiyalanuvchilarning o‘zaro munosabatlarini yengillashtiradi, gimnastikaga oid adabiyot nashr qilishda gimnastika mashqlari ta'rifini soddalashtirishda yordam beradi. Gimnastika atamasi gimnastikadan boshqa sport turlarida ham keng qo‘llaniladi.
Gimnastika mashqlarining aniq nomini bilmasdan turib, uni o‘rganish qiyin. Shu sababli ularni o‘rgatish jarayonida atamaning ahamiyati, ayniqsa, kattadir. Qisqacha atama so‘zlar harakat ko‘nikmalarini shakllantirishga beqiyos ta'sir ko‘rsatadi. Tadqiqotlarning tasdiqlashicha, tarbiyalanuvchilar mashqni bajarish uchun o‘zini o‘zi tayyorlashiga yordam beradi, o‘quv jarayonini esa yanada ixcham va maqsadga muvofiq olib borishga vosita bo‘ladi.
Gimnastika atamalari – bu gimnastika mashqlari, umumiy tushunchalari, gimnastika jihozlari, jihozlarning nomlarini qisqacha ifoda etish uchun qo‘llaniladigan maxsus nomlar (atamalar) tarkibi, shuningdek, atamalar shartli (belgilab qo‘yilgan) qisqartirishlarning, mashqlarni yozish shakllarining tuzilishi hamda ishlatilishi qoidalaridir.
Atama leksikaning bo‘limi sifatida shu fanning mazmuni, nazariyasi va amaliyoti bilan yaqindan bog‘liqdir. Gimnastikada atama deganda, biror harakat yoki tushunchaning qisqacha shartli nomi tushuniladi. Boshqa sohalardagi kabi, gimnastika atamasi ham jismoniy tarbiya taraqqiyoti bilan bir qatorda, takomillasha boradi, chunki amaliyot va fanda qanday yangilik paydo bo‘lsa, u tilda muqarrar aks etib, uni boyita boradi.
«Gimnastika» yunoncha «gimnos» so‘zidan kelib chiqqan bo‘lib, «yalang‘och» degan ma'noni anglatadi. Shuningdek, “gymnostike” (gymmazo-trener, mashq qildiraman so‘zidan) so‘zining kishi salomatligini mustahkamlash, uni har tomonlama jismonan tarbiyalash va harakat qobiliyatlarini, kuchi, chaqqonligi, harakat tezkorligi, chidamliligi va boshqa xususiyatlarini takomillashtirish uchun ishlatiladigan maxsus tanlangan jismoniy mashqlar, uslubiy usullarning tizimi, degan ma'nosi ham bor. Quyidagilar uning asosiy vazifalaridir:
Atamalar o‘z ma'nosining aniqligi va ixtisoslashganligi bilan odatdagi leksik birliklardan farq qiladi. So‘zlar atamaga aylangach, zarur bo‘lgan bir ma'noni anglatadi (kirish, engashish, tashlanish, ko‘prik, pastga tashlanish, osilish, tayanish va h.k.). Bunda atamalar biron tushunchani, harakatni bildiribgina qolmay, balki uni turdosh tushuncha, harakatlardan ajratib, aniqlab beradi.
Atamalarga ushbu talablar qo‘yiladi:
Tushunarlilik. Atama ona tili lug‘at tarkibi va boshqa tillardan olingan so‘zlar, shuningdek, baynalminal atama-so‘zlar asosida qurilgan bo‘lib, mazkur xalq tilidagi so‘z yasash va grammatika qoidalariga to‘la mos bo‘ladi. Shundagina atamalar tushunarli, hayotiy va barqaror bo‘ladi. Ona tili mezonlarining buzilishi atamalarning tushunarli bo‘lmasligiga olib keladi.
Aniqlik. Atama ta'riflanayotgan harakat (mashq) yoki tushunchaning mohiyati haqida ochiq-oydin tasavvur beradigan bo‘lishi kerak. Atamaning aniqligi mashq haqida to‘g‘ri tasavvur hosil qilish uchun katta ahamiyatga ega bo‘lib, u mashqni tezroq o‘rganib olishda yordam beradi.
Qisqalik. Atamalar qisqa, talaffuz etishga qulay bo‘lgani ma'qul. Mashqlarga nom berish va ularni yozishni yengillashtiradigan qisqartiruv qoidalari ham shunga xizmat qilishi darkor.
Do'stlaringiz bilan baham: |
