Жисмоний маданият соҳасида илғор хорижий тажрибалар

Asosiy harakatlarga doir mashqlar.
Yurish mashqlari. Qatorda to‘g‘ri yurish, yo‘nalishni o‘zgartirib yurish, navbatma-navbat yurish; chiziq bo‘ylab juft bo‘lib qo‘l ushlashib yurishga o‘rgatish.
Yugurish mashqlari. Yo‘nalishni va tezlikni o‘zgartirib yugurish; 1 daqiqa davomida asta-sekin yugurish; yugurish chog‘ida burilish; hushtak bo‘yicha to‘xtash; doira bo‘ylab bir o‘zi va juftlikda qo‘l ushlamasdan qator bo‘lib yugurish; yugurayotganda birdaniga to‘xtash va muvozanatni saqlash.
Sakrash mashqlari. To‘siqlarni oshib o‘tish; ikki oyoqni juftlab turgan joyda sakrash, balandlikka sakrashga o‘rgatish.
Yumalatish, irg‘itish, ilib olish mashqlari. Yumalatib yuborilgan buyumni quvib yetish; polga, devorga urilgan koptokni ilib olish; koptokni o‘ng yoki chap qo‘l bilan qaytarish; yerda yumalatish; koptokni ikki qo‘l bilan balandga ko‘tarib, ma'lum nishonga (savatga yoki chelakka) otishi uchun imkoniyat yaratish.
Emaklash va tirmashish mashqlari. To‘g‘ri yo‘nalish bo‘yicha qo‘l kaftlari va tizzalari yordamida, gimnastika o‘rindig‘i (skameyka) ustida to‘rt oyoqlab 10 m gacha emaklash.
Umumrivojlantiruvchi mashqlar.
Qo‘l muskullari uchun mashqlar. Dastlabki holat: gavda tik tutilgan, oyoqlar yelka kengligida ochilgan, qo‘llarni yuqoriga va yonga uzatish. Bukish va cho‘zish, qo‘llarni orqaga yashirish, bosh ustida, ko‘krak oldida chapak chalish; qo‘llarni suvda suzayotgandek harakatlantirish.
Oyoqlar uchun mashqlar. Turgan joyida yurish; oldinga, orqaga va yonga qadam tashlash; bir oyoqda turgan holda ikkinchi oyoqni bukish va yozish; o‘tirib turish; oyoq uchida ko‘tarilish; tovonda turish, oyoq barmoqlarini qimirlatish; chalqancha yotgan holda oyoqlarda velosiped mashqini qildirish.
Gavdani rivojlantiruvchi mashqlar. O‘ng va chapga burilish; yon tomonga engashish; qorin bilan yotgan holda qo‘llarni oldinga uzatish va oyoqlarni ko‘tarish; yonboshdan-yonboshga ag‘darilish.
Saflanish va qayta saflanish. Bir-birining ketidan turish, doiraga ketma-ket saflanish.