Жисмоний маданият соҳасида илғор хорижий тажрибалар

Sog‘lomlashtirish ishlarini tashqil etish.
Ertalabki badantarbiya. Badantarbiyani ochiq havoda, yengil kiyimda, harakatlarni namunaga muvofiq aniq, izchil bajarish. Bolani 5 daqiqa davomida o‘yin xarakteridagi mashqlarni bajarishga odatlantirish. Jismoniy tarbiya instruktoriga taqlid qilib birgalikda harakat qilish ko‘nikmasini o‘stirish, harakatli o‘yinlarda ishtirok etishga hamda o‘yin topshiriqlarini bajarishga o‘rgatib borish. Har kuni o‘tkaziladigan badantarbiyani suv muolajalari bilan tugallash (kattalar ko‘magida).
Qomatni to‘g‘ri tutish. Jismoniy tarbiya instruktorining nazorati ostida jismoniy mashqlarni muntazam bajarish. To‘g‘ri qomatni shakllantirish, yassitovonlikni oldini olishga imkon beradigan mashqlar bajartirish. Mashg‘ulotlarda qomatni tik tutish, boshni haddan tashqari quyi egmaslik, oyoqlarni to‘g‘ri qo‘yib yurish.
To‘rt va besh yoshgacha bo‘lgan bolalar bilan o‘tkaziladigan boshlang‘ich gimnastika mashqlari texnikasi (4-5 yosh). Bola to‘rt yoshga yetgach, uning jismoniy o‘sishi bir muncha jadallashadi, bo‘yi 100-110 sm atrofida, og‘irligi 20-22 kg gacha bo‘ladi. Bu davrda bolaning miyasi tez rivojlanadi. Katta yarim sharlar po‘stlog‘ining faoliyati takomillashib boradi. Boladagi asosiy harakatlarning rivojlanishida jiddiy sifat o‘zgarishlar sodir bo‘ladi, ularni bajarishda tabiiylik ortib boradi, qiyoslash ko‘nikmasi shakllanadi; nutqi ravonlashadi, xotirasi ancha teran bo‘lib, mustaqil fikrlash darajasi bir qadar rivojlangan bo‘ladi.
Bola bilan olib boriladigan gimnastika mashg‘ulotlarining mazmunini xuddi mana shunga yo‘naltirish maqsadga muvofiq. Bolani boshlang‘ich gimnastika va sportga qiziqishini oshirishda jismonan chiniqtirishda quyidagilarga e'tiborli bo‘lish talab etiladi: turli gimnastika mashqlar yordamida tadbirlarni tashqil etish; chiniqtirish muolajalarini muntazam o‘tkazib turish, erkin harakat qilish malakalari shakllantirish; bolaga boshlang‘ich gimnastika mashqlarning muhimligini ta'kidlash va mustaqil bajarishga undash; yopiq va ochiq maydonlarda o‘tkaziladigan turli sport o‘yinlariga jalb etish; yugurish, muvozanat saqlash, ikki oyoqlab balandlikka sakrash, to‘siqlarni yengib o‘tish bo‘yicha musobaqalarni tashqillashtirish; koptokni biror to‘siq ustidan boshqa bolaga irg‘itish va ushlab olish elementlari bor bo‘lgan mashqlarni o‘tkazish; gimnastika mashqlarini o‘z vaqtida o‘tkazish uchun doimo vaqt ajratish; musiqa sadolariga mos tarzda gimnastika harakatlarini rag‘batlantirish.
Boshlang‘ich gimnastika mashg‘ulotlarida erkin qo‘shilishga odatlantirish.