Жисмоний маданият соҳасида илғор хорижий тажрибалар

Qo‘llarni har xil holatda harakatlantirib yurish.
1. Belgilangan qadam sonidan so‘ng, qo‘l holatini o‘zgartirish (qo‘llar belda, bosh orkasida, ko‘krak oldida, yelkalar va hokazo). Birinchi mashg‘ulotda qo‘l holatining 2 turini navbatlantirish tavsiya etiladi. Keyinchalik guruhlarni tayyorgarligiga karab, o‘zgartiriladigan qo‘l holatlari soni 3-4 taga yetkaziladi;
2. Qarsak chalib yurishlar (gavda oldida, orkasida, bosh ustida va hokazo).
Dastavval, har qadamda karsak chalinadi (oldida va orkasida, navbatma-navbat), so‘ngra belgilangan hisobda. Ikki qadam qarsak bilan, ikki qadam qarsaksiz yoki 1 va 4 qadamda qarsak chalib, qadamlar orasida qarsak chalib borishlar. Bu mashqlar turli harakatlarni o‘zgartirish vazifasini hal etibgina kolmasdan, bolalarda o‘z harakatlarining ritmini his qilish kobiliyatini tarbiyalaydi;
3. Yurib ketayotganda qo‘l harakatlari. 1-qo‘llar oldinda, 2-qo‘llar yonda, 3-qo‘llar oldinda, 4-qo‘llar pastda. Oldin bu harakatlarni bir qo‘l bilan hisob oralab bajarish tavsiya etiladi, ya'ni har bir harakat chap oyoq, qadami bilan boshlanadi. Bir marta 4-hisobda ikkala qo‘l bilan, keyingi 4-hisobida chap qo‘l bilan bajargandan so‘ng, har hisobda ikkala qo‘l bilan bajariladi. Mashqlarni murakkablashtirish uchun harakat sur'atini va qo‘l harakati tezligini o‘zgartirish mumkin. Masalan, birinchi harakat uch hisobda juda sekin bajariladi; ikkinchi harakat tez 1 hisobda, uchinchi harakat yana sekin - uch hisobda va to‘rtinchi harakatni hisobida tez bajariladi.
Yaxshi tayyorgarlik ko‘rgan guruhlar bilan o‘tganda shu mashqlarni yanada murakkablashtirib, o‘tish harakati bitta qo‘l bilan boshlanadi, ikkinchi qo‘l shu harakatni 2-hisobdan boshlaydi va shu tarika harakat qaytariladi.
Yordam ko‘rsatish. Mashqlar aniq va uyg‘unlikda bajarilishi uchun jismoniy tarbiya instruktori aytib turish, namoyish qilish va sanab turish orqali bolalarga yordam ko‘rsatadi.
Xatolarni tuzatish. Odatda ko‘pgina bolalar u yoki bu mashqlarni bajarishda xatolarga yo‘l qo‘yadilar. Bu hollarda jismoniy tarbiya instruktori tezda xatolarni yo‘q qilish choralarini ko‘rishi lozim. Ba'zan u, mashqni to‘xtatmay turib, yo‘l qo‘yilgan xatolarni aytib o‘tadi. Bunda bajarilayotgan mashqning sur'ati va maromiga mos holda ko‘rsatmalarni berish maqsadga muvofiqdir. Agar ko‘p bolalar xatoga yo‘l qo‘ysa, bu holda mashq bajarishni to‘xtatish va tegishli tuzatishlarni kiritish maqsadga muvofiq. Xatolar tuzatishning bu usuli bolalarga mazkur mashqning nimaga qaratilganligi va yo‘l qo‘yilgan xatolarning qanday oqibatlarga olib kelishi to‘g‘risida batafsil gapirib berishga jismoniy tarbiya instruktori imkon yaratadi.