Жисмоний маданият соҳасида илғор хорижий тажрибалар

Gimnastika mashqining texnikasi – harakatlar tuzilishining mazmun va shakl jihatidan obektiv modeli (namunasi, andozasi). U harakatlar tuzilishini, uning morfologik, biokimyoviy, fiziologik va psixologik ta'minotini miqdor va sifat nuqtai nazaridan tahlil qilish asosida ishlab chiqiladi. Bu – juda murakkab dinamik funksional tizim. Unda gimnast shaxsining barcha kichik tuzilmalariga taalluqli bo‘lgan individual xossalar (qobiliyatlar) funksional o‘zaro tasirga kiritiladi.
Gimnastika mashqini bajarish texnikasi harakatlarni boshqarishning mashqni samarali bajarish yoki konkret qo‘yilgan harakatga oid vazifani yechishni taminlovchi maqsadga muvofiq usuli yoki usullari yig‘indisidir.
Ikki va uch yoshgacha bo‘lgan bolalar bilan o‘tkaziladigan boshlang‘ich gimnastika mashqlari texnikasi (2-3 yosh). Kichkintoyning jismoniy rivojlanishida 2-3 yosh o‘ziga xos davr hisoblanadi. Bu davrda bolaning vazni 13-15 kg, bo‘yi taxminan 85-90 sm bo‘ladi.
Ikki yoshli bolaning turli harakatlar qila olish imkoniyati tevarak-atrofni o‘rganishida juda katta sharoit yaratadi. Bola atrofidagi narsalarni kuzatadi, qo‘li bilan ushlab, tekshirib ko‘radi. Shu tariqa bolaning sezgi va idroki, tasavvur va xotirasi, nutqi va hissiyoti rivojlanadi.
Kichkintoyda jismoniy harakatlarning muhim hayotiy turlarini shakllantirish (yurish, yugurish, sakrash, emaklash, irg‘itish) orqali oyoq, qo‘l, tana, bosh harakatlarini rivojlantirish, turgan joyida aylanishni o‘rgatish, harakatli o‘yinlarni o‘ynashga bo‘lgan qiziqishlarini oshirish, jismoniy sifatlarni rivojlantirish (chaqqonlik, ziyraklik, irodalilik, sabr-qanoat, kuch v.b.), bola qomatini to‘g‘ri shakllantirishga ta'sir ko‘rsatish lozim.
Bolani jismoniy tarbiya instruktori yordami asosida mashqlarni tushunib, birgalikda harakat qilishga, o‘z harakatini boshqalarniki bilan solishtirishga o‘rgatish. Mashqlar bajarayotganda gavdani to‘g‘ri va tovonni mustahkam tutishiga e'tibor berish. Boshlang‘ich gimnastika mashg‘ulotlariga, shuningdek, ertalabki badantarbiyaga ijobiy munosabatni uyg‘otish.