Жиноят ҳуқуқи фанидан якуний назоратга тушиши мумкин бўлган тахминий саволлар ва казуслар

Ўзбекистон Республикаси Олий суди Пленумининг Қарори асосида вазиятга ҳуқуқий баҳо беринг ҳамда жиноят таркибини таҳлил қилинг.

А.Джурабаев 2006 йилда ишлаш мақсадида Россия Федерациясига бориб, у ерда қурилиш ва бошқа соҳаларда меҳнат фаолиятини юритаётган вақтда 2010 йилда Фарғона шаҳар, А.Қодирий кўчаси, 50-уй, 27-хонадонда яшовчи И.Мустафина билан қонуний тартибда никоҳдан ўтмаган ҳолда шаърий никоҳ асосида турмуш қуриб яшаб келишиб, 2013 йилда А.Джурабаев турмуш ўртоғи И.Мустафина билан Ўзбекистон Республикасига қайтиб келишиб, яшаш учун уйлари бўлмаганлиги боис, И.Мустафинанинг оиласига тегишли бўлган Фарғона шаҳар, А.Қодирий кўчаси, 50-уй, 27-хонадонда яшаб келишган ва бу ҳолат ўз навбатида И.Мустафинанинг қизи А.Кудрявсевага маъқул келмасдан, унинг қаршилиги билан А.Джурабаевни 2016 йилда Россия Федерациясига кетишига сабаб бўлиб, А.Джурабаев бирор-бир доимий иш жойига эга бўлмаганлиги, оиласи учун фойдали бўлган касб-ҳунар билан шуғулланмаганлиги, шаърий никоҳда бўлган турмуш ўртоғи И.Мустафинага яшаш учун шароит яратиб бермаганлиги оқибатида, у билан ўзаро оилавий келишмовчиликлар келиб чиқиб, одатий турмуш тарзига эриша олмай, 2019 йил январь ойида Россия Федерациясидан қайтиб келиб, Фарғона шаҳар ва Тошкент вилоятида яшовчи танишларининг уйларида вақтинчалик яшаб келиб, бирор-бир ижтимоий фойдали меҳнат билан шуғулланмасдан, спиртли ичимлик истеъмол қилиб, ноодатий турмуш тарзи кечириб келиб, шундан сўнг, 2020 йил 24 февраль куни И.Мустафина билан кўришиб, у билан биргаликда Фарғона шаҳар Марказий деҳқон бозоридан озиқ-овқат ва сабзавот маҳсулотлари харид қилишиб, И.Мустафинанинг хонадонига ташлаб, кейин у билан Фарғона шаҳар Ал-Хоразмий кўчасида жойлашган “Мажнунтол” кафесида тушлик қилиб, тушлик вақтида спиртли ичимлик истеъмол қилишади, у ердан соат 18-00 ларда туришиб, маишатни давом эттириш мақсадида А.Қодирий кўчасида жойлашган “Истамбул” кафесига киришиб, икковлари спиртли ичимлик истеъмол қилишган ҳолда овқатланишиб, уйга кетиш мақсадида кўчага чиқишиб, икковлари А.Қодирий кўчаси бўйлаб пиёда кетишаётган вақтда, А.Джурабаевнинг шаърий никоҳдаги турмуш ўртоғи И.Мустафинага бирга яшашлик ҳақида қилган таклифига рад жавоби олганидан жаҳли чиқиб, маст ҳолатда уни дастлаб қўллари ва оёқлари билан баданининг турли жойларига уриб, қасддан ўлдириш мақсадида олдиндан ёнида бўлган очилиб йиғилувчи пичоғи билан унинг қорин бўшлиғи ва кўкрак қафасига тўрт марта ҳамда баданининг бошқа соҳаларига 4 марта уриб, ҳаёт учун хавфли бўлган оғир тан жароҳати етказган вақтда, ўша ерда бўлган терговда ва судда аниқлашнинг имкони бўлмаган шахсларнинг келиб қолиши натижасида, жиноятини охирига етказа олмасдан, ҳодиса жойидан қочиб яширинган.