Jinoyat protsessual huquqi modulidan 1-variant

Jinoyat protsessual huquqi modulidan
45-variant
1.O‘zbekiston Respublikasi JPKda prokuror yoki uning o‘rinbosari ayblov xulosasi bilan kelgan jinoyat ishini ko‘pi bilan besh sutkada ko‘rib chiqishi va qaror qabul qilishi shartligi belgilangan.
Ayblov xulosasi bilan kelgan jinoyat ishi yuzasidan prokuror tomonidan qabul qilinishi lozim bo‘lgan qaror turlarini bayon qiling.
2.Sud tergovi tamomlanganidan so‘ng sud taraflarning muzokarasini eshitishga o‘tadi. Muzokara davlat ayblovchisi va jamoat ayblovchisining nutqlari bilan boshlanadi.
Taraflar muzokarasining mazmuni va tartibini bayon qiling. Sud tergovini yangidan boshlash asoslari nimalardan iborat.
Kazus
O‘zbekiston Respublikasi Surxondaryo viloyati milliy havfsizlik hizmati tergov bo‘limi tergovchisi T.Boltaboev 2016- yil 11- sentyabr kuni “Termiz Tongi” gazetasida fuqaro Ajinyaz va Baxtiyorlar termiz shaxar Yulduz mahallasi 13-uyda fuqarolarni to‘plab, ularga diniy ekstremistik ruhdagi ta’limotlar bilan saboq berayotganligi haqidagi ma’lumotni o‘qidi.
Mazkur habarni o‘qigach tezkor ravishda jinoyat ishi qo‘zg‘atadi hamda voqea sodir bo‘lgan joyni tekshirish uchun tezkor tadbirlarni amalga oshiradi. Tezkor-qidiruv jarayonida aniqlanishicha, mazkur uyda Ajinyaz va Baxtiyorlar yashamasligi hamda 13-uyda mahallada ancha obru-e’tiborga loyiq bo‘lgan insonlar 45 yildan beri yashab kelishi aniqlangan.
Mazkur holatni O‘zbekiston Respublikasi qonunchiligi asosida tahlil qilgan holda huquqiy baho bering.

Jinoyat protsessual huquqi modulidan
46-variant
1.O‘zbekiston Respublikasi JPKda prokuror yoki uning o‘rinbosari jinoyat ishini, shu bilan birga sud majlisida tekshirish va hal etish uchun barcha iltimoslar va shikoyatlarni tegishli sudga yuborishi belgilangan.
Jinoyat ishini sudga yuborish tartibini tahlil qilgan holda bayon qiling.
2.Hukm - bu davlat hokimiyatining amrini o‘zida aks ettiruvchi, muayyan shaklda bo‘lgan va ijtimoiy munosabatlarni individual tartibga solishga qaratilgan, alohida yuridik ish bo‘yicha qabul qilinadigan rasmiy qaror hisoblanadi.
Hukmga qo‘yilgan talablarni va hukm turlarini bayon qiling.
Kazus
Chilonzor tumani 17‒mavzeda yashovchi fuqaro D.Muslimov 2016 yilning 5 iyul kuni Chilonzor tuman prokuraturasiga ariza bilan murojaat qildi.
Uning arizasida fuqaro D.Muslisov uyni qulflashni unutganligini natijada bundan habardor bo‘lgan qo‘shnisi fuqaro S.Kenjaev uyiga o‘g‘rincha kirib uydagi umumiy bahosi 45 000 000 (qirq besh million) so‘m bo‘lgan qimmat baho buyumlarni olib chiqib ketganligi bayon etilgan. Chilonzor tuman prokurori mazkur ish bo‘yicha jinoyat ishi qo‘zg‘atish sabablari qonuniyligi va asoslar etarli ekanligini tekshirib chiqish uchun tegishli tuman surishtiruv organiga taqdim etdi. Mazkur tuman surishtiruv organi surishtiruvchisi o‘n sutka davomida tergovga qadar tekshiruv o‘tkazib fuqaro D.Muslimovning arizasiga binoan jinoyat ishini qo‘zg‘atdi. Jinoyat ishini qo‘zg‘atish to‘g‘risidagi qaror bilan bir vaqtda fuqaro S.Kenjaevni ishda ayblanuvchi tariqasida jalb etish to‘g‘risida qaror qabul qildi hamda jinoyat ishi materiallarini dastlabki tergov o‘tkazish uchun Chilonzor tuman katta tergovchisiga taqdim etdi.
Tergovchi dastlabki tergov davomida tintuv tergov harakatini o‘tkazdi. Ushbu tergov harakatida xolis Chilonzor tuman prokuraturasiga amaliyot o‘tash uchun kelgan Toshkent davlat yuridik universitetining 3‒kurs talabalarini jalb etdi. Nihoyat Chilonzor tuman prokuraturasi katta tergovchisi mazkur ish bo‘yicha ayblov xulosasi tuzib‚ tuman prokuroriga taqdim etdi. Tuman prokurori esa mazkur ish bo‘yicha Jinoyat protsessual kodeksi normalari noto‘g‘ri qo‘llanganini vaj qilib jinoyat ishini qaytardi.