Jinoyat protsessual huquqi modulidan 1-variant

Mazkur holatni O‘zbekiston Respublikasi Jinoyat-protsessual qonunchiligi asosida tahlil qilgan holda huquqiy baho bering.


Jinoyat protsessual huquqi modulidan
47-variant
1.Sudlovga tegishlilik deb sud organlariga tegishli bo‘lgan jinoyat ishlarining mazmuniga ko‘ra sud instansiyalari o‘rtasida taqsimlanishiga, shuningdek, hududiy va shaxsga ko‘ra mazkur jinoyat ishining aynan qaysi sudga taalluqli bo‘lishiga aytiladi.
Sudlovga tegishlilikning qanday turlari mavjud va ularni tahlil qiling.
2.So‘roq jarayoni va natijalari sud majlisi bayonnomasida qayd qilinadi.
Sudda so‘roq qilish tartibini bayon qiling.
Kazus
2013- yil 07- avgust kuni Toshkent shahar Yunusobod tumanida joylashgan “BUXORO” kafesida fuqaro A.Teshaev tomonidan bezorilik jinoyatini sodir qilgan. Natijada 2013- yil 05- sentyabr kuni surishtiruvchi tomonidan A.Teshaevga nisbatan O‘zbekiston Respublikasi JKning 277-moddasi 2-qismi “e” bandi bilan jinoyat ishi qo‘zg‘atilgan.
Surishtiruv o‘tkazish davomida A.Erkaev O‘zbekiston Respublikasini aylanma yo‘l bilan chiqib ketganligi aniqlanadi. Natijada 2013- yil 15- sentyabr kuni surishtiruvchi 10 sutkalik muddat tugaganligi sababli tergovchiga jinoyat ishini o‘tkazadi. Tergovchi gumon qilinuvchi A.Teshaevga nisbatan qidiruv e’lon qilish to‘g‘risida qaror chiqaradi. Shundan so‘ng 2013- yil 18- sentyabr kuni tergovchi jinoyat ishini to‘xtatish to‘g‘risida qaror chiqardi.
2016- yil 20- sentyabr kuni gumon qilinuvchi A.Erkaev “aybini bo‘yniga olish haqidagi arz” bilan tergovchiga murojaat qildi.
Mazkur holatni O‘zbekiston Respublikasi Jinoyat-protsessual qonunchiligi asosida tahlil qilgan holda huquqiy baho bering.

Jinoyat protsessual huquqi modulidan
48-variant
1.Jinoyat ishlari bo‘yicha tuman (shahar) sudining sudloviga yuqori sudlarning va harbiy sudlarning sudloviga tegishli bo‘lgan ishlardan tashqari hamma jinoyat ishlari tegishlidir.
Jinoyat ishining hududiy jihatdan sudlovga tegishliligini tahlil qilgan holda bayon qiling. (Har bir asos bo‘yicha bittadan misol keltiring)
2.Jinoyat protsessining sud muhokamasi bosqichida sud jinoyat ishini mazmunan ko‘rib, o‘z hukmida shaxsni aybdor yoki aybdor emasligi, ushbu qil¬mishi uchun jazolash yoki jazolamaslik masalasini uzil-kesil hal qiladi.
Sud muhokamasi bosqichlarini tahlil qiling.
Kazus
2014- yil 16- mart kunidan 17- mart kuniga o‘tar kechasi, soat 23-45 larda fuqaro S.Falkaev va L.Rasulovlar mast holatda Mirzo Ulug‘bek tumani, TTZ-2 dahasida joylashgan “SUN SHINE” nomli kafesida o‘zaro kelib chiqqan janjal oqibatida bir-birlariga nisbatan turli og‘irlikdagi tan jarohatlarini etkazishgan.
S.Falkaev va L.Rasulovlar olgan tan jarohatlari sababli 1-sonli Toshkent shahar shifoxonasiga olib borilgan. 2014- yil 17- mart kuni 1-sonli Toshkent shahar shifoxonasi tomonidan berilgan 449-sonli tibbiy ma’lumotnomada fuqaro S.Falkaev etkazilgan og‘ir tan jarohatlari oqibatida vafot etganligi ko‘rsatilgan.
Surishtiruvchi 2014- yil 17- mart kuni holat yuzasidan jinoyat ishi qo‘zg‘atish va ish yurituviga olish to‘g‘risida qaror chiqaradi.
2014- yil 22- mart kuni gumon qilinuvchi L.Rasulov kasalligi sababli vafot etadi. Shu munosabat bilan 2014- yil 29- mart kuni surishtiruvchi jinoyat ishini tugatish to‘g‘risida qaror chiqardi.