Jinoyat huquqi Kazus javoblari 1 kazus

Ўз-ўзига ишониш ёки бепарволик орқасида содир этилган жиноятларнинг ўзаро фарқини ёритинг.

Агар жиноятни содир этган шахс ўз хулқ-атвори қонунда назарда тутилган ижтимоий хавфли оқибатлар келтириб чиқариши мумкинлигига кўзи ета туриб, эҳтиёткорлик чора-тадбирларига онгли равишда риоя этмаган ҳолда бундай оқибатлар келиб чиқмаслигига асоссиз равишда умид қилган бўлса, бундай жиноят ўз-ўзига ишониш оқибатида содир этилган деб топилади. Ўз-ўзига ишонишнинг эгри қасддан асосий фарқи - айбнинг иродавий ҳолатига кўра аниқланади.
Яъни эгри қасдда шахс оқибат келиб чиқишига онгли равишда йўл қўйиб берса;
Ўз-ўзига ишонишда ушбу оқибатнинг келиб чиқмаслигига асоссиз равишда умид қилади.
Жиноят бепарволик орқасидан содир этилган деб -агарда шахс ўзининг хулқ-атвори қонунда назарда тутилган ижтимоий хавфли оқибатлар келтириб чиқариши муминлигига кўзи етмасада, лекин кўзи етиши лозим ва мумкин бўлса, бундай жиноят бепарволик орқасидан содир этилган деб айтилади.
Бепарволикнинг айбсиз ҳолда зарар етказишдан фарқи эса -айбнинг тафаккурий ва иродавий ҳолатига боғлиқ бўлади. Яъни, тафаккурий ҳолат бепаровликда шахс ўз қилмишининг ижтимоий хавфли оқибатлар келтириб чиқариши мумкинлигини ўша вазиятга кўра билиши ёки англаши лозимлигини ифодаласа;
иродавий ҳолат - оқибатни олдини олишга ҳаракат қилмаганлигида ифодаланади.

21. Қасднинг келиб чиқиш вақтига кўра, тўсатдан юз берган ва олдиндан вужудга келган қасдларнинг ҳамда қилмишнинг хусусиятига кўра аниқ ва муқобил қасдлар масаласини муҳокама қилинг.

Жиноят ҳуқуқида қасднинг яна бошқа шакллари ҳам мавжуд бўлиб, улар:

• 
  қасднинг келиб чиқиш вақтига кўра: олдиндан вужудга келган қасд ёки
  

тўсатдан юз берган қасд;

• 
  шахс қилмишининг хусусиятига қараб: аниқ ва муқобилқасд шакларига бўлинади.
  

Олдиндан ўйлаб қўйилган қасдда шахс жиноятни амалга оширишдан анча олдин ўйлаб қўяди. Олдиндан ўйлаб қўйилган қасднинг ижтимоий хавфлилигининиг юқорилиги шундаки, бунда шахс жиноий қилмишни бошламасдан анча олдин содир этиладиган жиноятнинг барча жиҳатларини олдиндан ўйлаб қўяди. Кўзлаган мақсадга эришишнинг барча воситаларини, жиноят изларини яшириш йўлларини пухта ўйлаб қўяди.