Jinoyat huquqi Kazus javoblari 1 kazus

Жиноятнинг ҳуқуққа хилофлиги белгисини ёритинг.

ЎзР ЖК нинг Махсус қисми моддаларида жиноятларнинг қатъий рўйхати берилган бўлиб, бу моддаларда айтилган қилмишларни содир қилиш тақиқланади. Уларни содир қилиш эса ҳуқуққа хилоф ҳисобланади. Жиноят кодекси Махсус қисмида жиноят деб ҳисобланмаган ва жазо назарда тутилмаган қилмишлар ҳар қандай оқибатга сабаб бўлганлигидан қатъи назар, жиноят ҳисобланмайди. Қилмишни жиноят деб ҳисоблаш учун албатта, ЖК Махсус қисми моддасида кўрсатилган ва бунинг учун жиноий жазо назарда тутилган бўлиши керак.У ёки бу қилмишни жиноят деб ҳисоблаш ва Жиноят кодексига киритиш масаласини фақат қонун чиқарувчи орган (Ўзбекистон Республикаси Олий Мажлиси) ҳал қилади.

21. Қилмишда айбнинг мажудлиги белгисини ёритинг

Жиноятнинг яна бир белгиси қилмишда айбнинг мавжудлигидир. ЎзР ЖКнинг 14-моддасида жиноятга таъриф берилиб, биринчи марта айб жиноятнинг белгиси эканлиги қонунда мустаҳкамлаб қўйилди. Жиноят содир этишда айблиликнинг жиноят-ҳуқуқий маъноси жиноятчининг содир қилган ижтимоий хавфли қилмиши ва унинг ижтимоий хавфли оқибатига қасд ва эҳтиётсизлик шаклидаги руҳий муносабатидир. Қасддан жиноят содир қилишнинг жиноят-ҳуқуқий маъноси ЎзР ЖК нинг 21-моддасида берилган бўлиб, жиноят содир этган шахс ўз қилмишининг ижтимоий хавфлилик хусусиятини англаган ва шундай қилмишни содир этишни истаган бўлса, бундай жиноят қасддан содир этилган деб топилади. Айбнинг қасд шакли ўз навбатида иккига бўлиниб, булар тўғри ва эгри қасддан иборатдир.
Тўғри ва эгри қасдларнинг жиноят-ҳуқуқий тушунчаси ЎзР ЖКнинг 21- моддасида берилган.
Айбнинг эҳтиётсизлик шаклининг жиноят-ҳуқуқий тушунчаси ЎзР ЖКнинг 22-моддасида берилган бўлиб, эҳтиётсизлик шаклидаги айб ўз навбатида ўз- ўзига ишониш ва бепарволик турларига бўлиниб, уларнинг жиноят-ҳуқуқий маъноси ЖК нинг 22-модасида берилган. Айбнинг шакли ЖК Махсус қисми моддларида кўрсатилади. Агар муайян жиноят тури фақат қасддан ёки эҳтиётсизликдан содир этилиши мумкин бўлса, ўша норманинг диспозициясида алоҳида кўрсатилиши шарт эмас. Агарда муайян жиноят қасддан ёки эҳтиётсизликдан содир қилиниши мумкин бўлса, бундай ҳолда қонунда алоҳида кўрсатилади.

21.