Ўйин қоидалари 2019/20 Ўзбекистон футбол ассоциациясининг расмий таржимаси The International Football Association Board

Хавфли ўйин
 
Хавфли ўйин —
ўйинчи тўпга ўйнашга уриниб, кимгадир (жумладан ўзига ҳам) жароҳат етказиш 
хавфини юзага келтирадиган ҳар қандай ҳаракат ҳамда яқинда турган рақиб ўйинчисининг жароҳат 
олишдан хавфсираши эвазига унинг тўпга ўйнашига халал бериши.
Рақибга хавф туғдирмаган ҳолатдагина “қайчи” ёки “велосипедча” услубида зарба беришга рухсат 
этилади.
Контактсиз рақибнинг ҳаракатига халал бериш
 
Рақибнинг ҳаракатланишига
халал бериш шуни англатадики, рақиб ўйинчисининг йўлини тўсиш, 
унинг ҳаракатини чеклаш ва секинлаштириш ёки тўп ҳар икки ўйинчидан ўйнай оладиган масофада 
бўлмаганда, рақиб ўз йўналишини ўзгартиришга мажбур бўладиган тарзда унинг йўлини тўсиб 
чиқиш.

---

Барча ўйинчилар майдонда ўз жойларини эгаллаш ҳуқуқига эга. Рақиб йўлида туриш —
бу рақибнинг 
йўлини тўсиш учун ҳаракат эмас.
Ўйинчи рақиб ва тўп орасидаги жойни эгаллаб,
тўпни ёпиши мумкин, агар тўп ўйин масофасида 
жойлашган ва рақибни қўллари ёки танаси билан ушламаган бўлса. Агар тўп ўйин масофасида бўлса, 
рақиб рухсат берилган услуб билан ҳужум қилиши мумкин.
3.
 
Интизомий чоралар
 
Ҳакам
учрашувдан олдинги текширув учун майдонга чиққан пайтдан бошлаб, то учрашув 
якунланганидан кейин (пенальтилар сериясини ҳам қўшган ҳолда) майдонни тарк этгунга қадар 
интизомий чоралар қабул
қилиш ваколатига эга.
Учрашув бошланишидан аввал майдонга чиққунга қадар ўйинчи ёки жамоанинг расмий шахси 
четлатишга мос қоидабузарлик содир этса, ҳакам ўйинчи ёки жамоанинг расмий шахсини
учрашувда 
иштирок этишига рухсат бермаслик ҳуқуқига эга (қаранг: 3.6
-
Қоида); ҳакам ҳар қандай бошқа 
интизомсиз хулқ
-
атвор ҳақида тегишли ташкилотларга хабар беради;
Ўйинчи ёки жамоанинг расмий шахси
майдонда ёки унинг ташқарисида огоҳлантириш ёки 
четлатишга лойиқ қоидабузарлик содир этса, қоидабузарликнинг хусусиятига мос равишда 
жазоланади. 
Сариқ карточка огоҳлантиришни, қизил карточка четлатишни билдиради.
Қизил
ва сариқ карточкалар фақат ўйинчи, захирадаги ва алмаштирилган ўйинчи ёки жамоанинг 
расмий шахсига
кўрсатилиши мумкин.