Jigardan nukleoproteidlarni ajratish

Jigardan nukleoproteidlarni ajratish

Jigar, taloq, oshqozon osti bezi, buyraklar va achitqi nukleoproteidlarga boy hisoblanadi. Ular ishqoriy eritmalarda erib, kislotali eritmalarda cho’kmaga tushadi. Dezoksiribonukleotidlar tuzli eritmalarda ham yaxshi eriydi.

Kerakli asbob va reaktivlar: a) mol yoki cho’chqaning muzlatilgan yangi jigar yoki talog’i, b) natriy xlorning 5% li eritmasi, v) taxta tayoqcha.
2-2,5 g jigarni mayda bo’lakchalarga bo’lib xavonchada 5% li NaCl va maydalangan shisha bo’lakchalari yordamida yaxshilab eziladi. Tuzli eritmani oz-ozdan solib boriladi. Jami 80 ml tuzli eritma sarflanadi.
Jigar 12-15 daqiqa davomida gomogen massa hosil bo’lgunga qadar eziladi. Hosil bo’lgan massani probirkalarga solib, 10-15 daqiqa davomida sentrifugalanadi. So’ng sentrifugatni shisha silindrga solib hajmi o’lchanadi.
Shisha stakanga distillangan suv quyilib (suvning hajmi sentrifugatdan 6 marta ko’p bo’lishi kerak) taxta tayoqcha yordamida sekinlik bilan aralashtirilgan holda ustiga sentrifugat quyiladi. Dezoksiribonukleoproteidlar ip ko’rinishida cho’kmaga tusha boshlaydilar va tayoqchaga o’raladi.

DNK ga xos sifat reaksiyasi.

DNK dezoksiribozalarga xos bo’lgan rangli reaksiyalar orqali aniqlanadi.
Ko’pincha difenilamin bilan boradigan reaksiya qo’llaniladi (C₆H_s-NH-C₆H_s). Difenilamin dezoksiriboza yoki DNK bilan ko’k rangli, riboza yoki RNK bilan yashil rangli birikma hosil qiladi.
Kerakli asbob va reaktivlar: a) dezoksiribonukleoproteid cho’kmasi (avvalgi ishga qaralsin) b) difenilamin reaktivi: 1 gr difenilamin 100 ml muzlagan sirka kislotasida eritiladi. Eritmaga 2,75 g konsentrlangan H₂SO₄ qo’shiladi (Ro= 1,836), v) 0,4% NaOH eritmasi.
Dezoksiribonukleoproteid cho’kmasining bir qismi probirkaga solinadi va 0,5- 1 ml NaOH qo’shiladi (cho’kma eriguncha). Eritmaga teng hajmda difenilamin reaktivi qo’shiladi. Reaksiya boshida hosil bo’lgan cho’kma reaktivning keyingi porsiyalari yordamida eritiladi, so’ng 15-20 daqiqa davomida suv hammomida qizdiriladi. Natijada ko’k rang hosil bo’ladi.