Jaza ham jaza tayinlaw

Jariyma

O`zbekistan Respublikasi Jinayat kodekisinin` 44-statyasinda

Jaryima bul- ayipkerden ma`mleket esabina Jinayat kodekisinde belgilengen mug`darda pul o`ndiriw.

Jariyma en` kem ayliq is haqinin` 5 esesinen 600 esesi mug`darinda belgilenedi.

Eger hu`kim etilgen shaxs jariymani waqtinda to`lemese yamasa to`lewden bas tartsa onda miynet penen du`zetiw jumislarina, xizmet boyinsha sheklew, qamaq yaki erkinen ayiriw jazalari menen almastiriladi.

Bunday jag`dayda miynet penen du`zetiw jumislari ya`ki xizmeti boyinsha sheklew yaki erkinen ayiriwdin` ha`r bir ayi en` kem ayliq is haqisinin` 16 esesi jariymag`a ten`lestirilip, 3-jildan ko`p bolmag`an mu`ddetke.

Qamatin` ha`r bir ayi bolsa en` kem ayliqtin` 100 esesine ten`lestrilip 6- aydan ko`p bolmag`an mu`ddetke tayinlanadi.

Belgili huquqtan ayiriw

• O`zbekistan Respublikasi jinayat kodeksi 45-statyasinda belgili huquqtan ayiriw – sud tayinlag`an mu`ddet dawaminda ayipkerdin` ka`rxanalar, sho`lkemler yaki birlespelerge qanday da bir lawazimdi iyelewden yaki qandayda da bir iskerlik penen shug`illaniwin biykarlawdan ibarat. Bunday lawazim yaki iskerlik tu`ri sud ta`repinen ayiplaw hu`kiminde ko`rsetiledi.
• Belgili huquqtan ayiriw ayipkerdin` lawazimi yamasa jumisi menen tikkeley baylanisli jinayatti islegeni ushun tiykargi jaza sipatinda tayinlang`anda 1- jildan 5 –jilga deyin bolg`an mu`ddetke tayinlanadi.
• Qosimsha jaza retinde tayinlang`anda 1 –jildan 3 –jilga deyin bolg`an muddetke belg`ilenedi.

Miynet penen du`zetiw jumislari

• O`zbekistan Respublikasinin` Jinayat kodekisi 46 –statyasinda Shaxstin` is haqisinin` 10% -30% aralig`I mug`darinda ma`mleket da`ramadi esabina uslap qalg`an halda oni miynetke ma`jburiy tartiwdan ibarat.
• Miynet penen du`zetiw jumislari sud hu`kimi menen o`z jumis orinlarinda yaki baqlaw ju`rgiziwshi orginlardin` usi jazani orinlaw ushin belgilep bergen basqa jumis orinlarinda o`teledi.
• Miynet penen du`zetiw jumislari 6 –aydan 3 –jilga deyingi mu`ddetke tayinlanadi.
• Miynet penen du`zetiw jumislari napaqqa jasina jetkenlerge, miynet jaramsiz bolg`anlarg`a, ha`mledar hayallarg`a , balani bag`iw ushin berilgen dem alista bolg`an hayallarg`a ha`m a`skeriy xizmetkerlerge qollanilmaydi.
• Eger shaxs sud ta`repinen tayinlang`an miynet penen du`zetiw jumislarinin` ja`mi bolip 10/1 inen ko`biregin to`lewden bas tartsa miynet penen du`zetiw jumislarinin` o`telmegen mu`ddetin tap sol mu`ddetke erkinen ayriw jazasi menen almastiriladi. Jazani o`tewden bas tartqan waqit jazanin` o`telgen mu`ddetine qosip esaplanadi.