Javoblar Bank krediti

«Pul va banklar» fanidan
Nazorat ishi variantlari


4-variant

1. 
   Bank krediti va uning o‘ziga xos xususiyatlari.
   
2. 
   Valyuta tizimi va uning rivojlanish bosqichlari.
   

3. Lizing kompaniyalari faoliyatining mazmuni.


Javoblar


1.
Bank krediti — banklarning mijozlarga vaqtinchalik foydalanish uchun kapital berishi. Banklar qaytarishlik, bank foiz toʻlovi va muddatlilik shartlarida oʻz mablagʻlari va jalb etilgan mablagʻlar hisobidan kreditlar beradi. Turli ssudalar (savdo-sotiq, koʻchmas mulkni garovga olish, asosiy kapitalni kengaytirish va boshqalar), veksellar hisobi kabi shakllari bor (qarang Banklar)
Bank krediti. Iqtisodiyotda keng tarqalgan kredit munosabatlarining shakllaridan biridir. Uning ob’ekti pul mablag’larini bevosita ssudaga berish jarayoni hisoblanadi. Bank kreditini beruvchi kredit muassasalari kreditlash jarayonini amalga oshirish uchun Markaziy bankdan maxsus litsenziya (ruxsatnoma) olgan bo’lishlari zarur. Qarz oluvchi sifatida huquqiy shaxslar, aholi, davlat, xorijiy davlat mijozlari ishtirok qilishlari mumkin. Kredit munosabatlarining vositasi bo’lib, kredit shartnoma yoki kredit kelishuvi hisoblanadi. Bu kredit turi bo’yicha olinadigan daromad yoki stavka tomonlar bilan kelishiladi va bank foizi yoki ssuda foizi ko’rinishida bo’ladi. Jahon amaliyotida bank kreditidan foydalanishda uning turli xil xususiyatlari hisobga olinadi. Qisqa muddatli bank kreditlari qarz oluvchi korxonaning xo’jalik faoliyatida aylanma mablag’lar etishmovchiligini to’ldirish uchun qo’llaniladi. Bozor iqtisodiyoti tamoyillariga mos keluvchi bunday jarayonning bo’lishi ssuda kapitali bozorida mustaqil segment pul bozorining yuzaga kelishiga olib keladi. Qisqa muddatli kreditlar fond bozorida, savdo va xizmatlar ko’rsatishda, banklararo kreditlash rejimida ko’proq qo’llaniladi. Yoozirgi sharoitda qisqa muddatli kreditlar quyidagi ko’rsatkichlar bilan xarakterlanadi: • kreditlarning juda qisqa muddatlarga (ba’zida bir oygacha muddatga) berilishi; • kreditning muddati va foiz stavkasining bir-biriga teskari proportsional (kreditning muddati juda qisqa bo’lsada, foiz stavkasi juda yuqori) bo’lishi; • ishlab chiqarish sohasidan ko’proq muomala sohasiga xizmat ko’rsatish; Hozirgi vaqtda bir yil muddatga beriladigan kreditlardan tijorat xarakteridagi faoliyatini amalga oshirish, agrar sektorda va investitsiyalarni talab qiluvchi innovatsion jarayonlarni kreditlashda keng foydalanilmoqda. Uzoq muddatli kreditlar o’rta muddatli kreditlar kabi asosiy fondlar harakatini ta’minlaydi va ular kredit resurslarning katta hajmi bilan ajralib turadi. Uzoq muddatli kreditlar 3 yil-dan 5 yil muddatgacha, davlat tomonidan tegishli moliyaviy 169 kafolatlarni olgan holda, kreditning muddati 10 yil va undan ortiq muddatga uzaytirilishi mumkin.