Javob : Yaxshilab chaynash kerak Izoh

Javob : Aleksandr yoki Aleksandra 
Izoh : Kosmik kema nomi “Salyut” va “Shatl” so'zlarining birinchi bo'g'inidan olinib, “Sasha” deb ataladi.
Savol : Bu atoqli otning nomi lotinchadagi “sovuq” va yunonchadagi old inkor qo'shimchaning qo'shilishidan hosil bo'lgan. Uning sovuq emasligini hammamiz yaxshi bilamiz. Uni toping. 
Javob : Afrika 
Izoh : “a” -yunoncha old inkor qo'shimcha, o'zbekchaga “no”, “be” deb tarjima qilinadi. Lotinchasiga “friz” degani esa “sovuq” degan ma'noni bildiradi.

Savol : Ispaniya terma jamoasining Jahon Chempionatida o`ta muvaffaqqiyatsiz qatnashganidan xabaringiz bor albatta. Gollandiyadan qabul qilib olingan sharmandali mag`lubiyatdan so`ng ispan gazetalaridan biri ,,QORA MUSHUK” nomli maqola chop etdi. ,,QORA MUSHUK” ni ko`rishni istasangiz 2015-yilning fevralini kutishingiz kerak. Diqqat savol: ,,QORA MUSHUK” o`rnidagi so`zlarni toping! 

Javob : 13, JUMA! Bu ko`rinishdagi sana qora mushuk kabi omadsizlik keltiradi deb irim qilinadi. Ispaniya Gollandiyaga aynan shu sanada yengildi. ,,El Mundo” nashri esa omadsizlikni aynan shu sana bilan bog`ladi! 
Savol : Yaqinda Namanganda bo`lib qaytdim. Toshkentga qaytayotganimizda dovondagi e`lonlardan biri e`tiborimni tortdi. Unda shunday yozilgandi: ,, X ULKAN MUVAFFAQQIYATLAR GAROVI”. Beixtiyor yuzimga tabassum yugurdi. Axir bu gap ikki ma`noda ham juda to`g`ri edi-da! Diqqat kutilmagan savol: Bu e`londa qaysi muassasa nomi tilga olingan? 
Javob : PAXTABANK! E`lon: ,,Paxta - ulkan muvaffaqqiyatlar garovi! O`zbekiston iqtisodi paxtaga bog`liq ekanligi bor gap. Ammo Paxta qo`yib ulkan muvaffaqqiyatlarga erishayotganlar ham anchagina! 
Savol : Qishlog`imizda pilla boqilsa-da, bir odatga e`tibor qilmagan ekanman, yaqinda ko`rsatuvda ko`rib qoldim. Pilla yetilib, terilib bo`lganidan so`ng pilla boqilgan uyda o`ziga xos ziyofat boshlanadi. Qo`shnilar ham o`z hissasini qo`shish uchun turli taomlar va yeguliklarni olib chiqishadi. E`tiborlisi, ularga bir talab qo`yilarkan. Diqqat savol: Taom va yeguliklarga qanday talab qo`yiladi? 
Javob : Ularning barchasi oq rangda bo`lishi kerak (masalan, shirguruch, qatiq, sut va hokazo) ! Ular ham pilla bilan rang uyg`unligini hosil qilishi kerak ekan! 
Savol : Yaqinda bir film ko`rib qoldim (nomi esimda yo`q, bu muhim emas). Filmda ikki qiz o`z hayotlarini o`zgaritish maqsadida bir-birining uyiga ko`chib o`tadilar. Birinchisi AQShlik bo`lsa, Ikkinchisi Angliyadan edi. Ular uylarini ayirboshlab, yangi hayotga qadam qo`yishadi. AQShlik qiz yangi joyda ilk kundayoq bir muammoga duch keladi. Diqqat savol: Muammo sababini uchta so`z bilan ayting! 
Javob : O`NG QO`L QOIDASI! Ma`lumki, Angliyada bu qoida amalda va AQShdagidan farq qiladi! Qiz ilk kundanoq avtomobil boshqarishda muammoga duch keladi! 
Savol : Tasavvur qiling, yigit va qiz yoningizda turibdi. Ular afsonaviy qahramonlar hisoblanishadi. Ularning qo`lida bitta 200 so`mlik, ikkita 1000 so`mlik, bitta 50 so`mlik va bitta 500 so`mlik bor. Diqqat savol: Ikkalasining ham ismini ayting! 
Javob : SAMAR va QAND! Afsonalardan biriga ko`ra, SAMARQAND ni SAMAR va QAND ismli sevishganlar halok bo`lgan joyga qurishgan. Pullarni jamlasangiz 2750 so`m bo`ladi. Bu SAMARQAND ning yoshi! 

Savol : Kecha Matmusanikida oshda edik. E`tiborimni hovlidagi katta it tortdi. Matmusadan uning laqabini so`radim. U itning uchta laqabi borligini aytib qoldi. Qizig`i, uchchala laqab ham inson ismi edi. Birinchi laqab 90-yillar oxirida qo`yilgan ekan. Ikkinchisi 2000-yillarda. Uchinchisini yaqindagina qo`yibdilar. Ikki ism ajnabiyniki, biri esa o`zbeklarniki ekan. Diqqat savol: Uchchala ismni ham toping. 

Javob : MAYK (TAYSON), OZODBEK (NAZARBEKOV), LUIZ (SUAREZ)!!! Qopag`on odamlarga tishlash bilan shug`ullanib ko`rgan mashhurlar laqabini beribdi  
Savol : Jannatda ikki farishta yashar ekan. Birinchisi doimo harakatda u yoqdan bu yoqqa o`tib yurarkan. Ikkinchisi esa doimo xotirjam, joyidan deyarli jilmas ekan. Bir ikkinchisi so`rab qolibdi: Sen doimo harakatdasan, qanday farishtasan? Birinchi javob beribdi: Men Ey, Yaratgan Egam yordam ber… deb boshlanuvchi tilaklarga javob beraman. Senchi? Ikkinchi debdi: Men OYIJON deb boshlanuvchi tilaklarga javob beraman! Yordam o`rnida ayitishim mumkin, OYIJON 1997-yildan beri mavjud! Diqqat savol: OYIJON o`rnida ikki so`zni toping. 
Javob : YARATGANGA SHUKR!!! OYIJON va YARATGANGA SHUKR (1997-yilda chiqqan) Z.Musoqov filmlari. 
Savol : Bu mashhur kinoqahramonlarni ismini ham o`zbekchaga o`girib ko`rdim. Birinchisi Olimtoy bo`lgani ma`qul ekan. Ikkinchisiga va To`rtinchisiga mantiqli bo`lmasa-da, Matyoqub va Doniyor ismlari yopishtirildi. Uchinchisini esa mantiqan Ali akaning o`g`li deb tarjima qildim. Diqqat savol: Bu tarjima mantiqan qaysi so`zni yuzaga keltirishi kerak edi? 
Javob : OMAD! Bosh harflardan shu so`z yasaladi. Kinoqahramonlar ,,Omadli jentelmenlar” dan. Dotsent Olimtoyga muqobil. Qahramonlardan biri Vasiliy Aliboboyevich, ya`ni Ali akaning o`g`li. 
Savol : Hazilga ko`ra, Yer yuzidagi eng chuv tushgan insonlar aynan ular ekan. Ularning ismi ma`lum emas. Ammo ular qilgan ish haqida barchamiz boxabarmiz. Diqqat savol: Ular nima ish qilishgan? 
Javob : Nuh kemasini qurishgan! U bechoralar kemani qurishgan, ammo kemaga chiqolmay to`fonda qolib ketishgan. Nuh kemasida Nuhdan boshqa inson bo`lmagan, axir. Bechoralarni aldab ishlatishgan ekan ))) 
Savol : Matmusa o`zining izquvarlarga xos sinchkovligi bilan ham ajralib turadi. Bir kuni Matmusa uzoq yillar ko`rmagan do`stini uchratibdi. Avval do`stining yara bosgan chap qo`liga qarabdi. Keyin esa o`rnidan turib do`stining chap tarafiga o`tibdi va suhbatni davom ettiribdi. Biroz oldin yaxshi eshitib turgan do`sti ba`zi gaplarni tushunmay boshlabdi. Ko`z osti terisi biroz osilgan do`stiga tikilgancha Matmusa uning kasbini aytibdi va haq bo`lib chiqibdi. Diqqat savol: Uning kasbini toping. 
Javob : Uzoq yo`lga yuradigan haydovchi (dalnoboyshik)! Ular yo`lda chap qo`lini oynadan chiqarib oladi. Qo`l quyoshda kuyadi, chang qo`nib yaraga aylanadi. Shovqin ham asosan chap tarafdan bo`lgani uchun quloq og`irlashadi. Ko`z ostining osilishi uyqusizlik oqibati albatta! 

Savol : AQShda u odatda qiyin va noqulay holatlarda qilinadigan ishni qilishga ruju qo`ydi va tanildi. Hindistonda u bilan bog`liq reja amalga oshmadi. O`zbekistonda u qaysi joydan ekanligi ma`lum. Diqqat savol: U ni toping. 

Javob : Kelin! Gollivudda ,,Qochoq kelin”, Bollivudda ,,O`g`irlanmagan kelin”, O`zbek kinosida ,,Vodillik kelin”! 
Savol : Bir kuni Matmusa aka bilan kino ko`rib o`tirsak, qiziq gap aytib qoldi: Men aniq bilaman, bu kinoqahramon Coca-Cola ichishni yoqtiradi, ismidan ham ko`rinib turibdi. Maza qilib kulib oldim. Lekin akaning gapi ham ancha mantiqli edi. Diqqat savol: Biz qaysi filmni ko`rayotgan edik? 
Javob : Fantomas! Matmusa aka Fantamas deb eshitib, Fanta emas deyapti, bu kinoqahramon Fantani rad etyapti, demak u Coca-Cola ni yoqtiradi degan xulosaga kelibdi. 
Savol : Aforizm: Agar ichi bo`sh bo`lganida u bunchalik mashhur bo`lolmasdi! Diqqat savol: U ni toping. 
Javob : Troya oti 
Savol : Ular haqida aniq bir to`xtamga kelish qiyin bo`ldi: Kimdir 78 ta dedi, kimdir 85 ta. Yana kimdir ishonch bilan 98 ta dedi. Ammo yakuniy qaror boshqacha bo`lib chiqdi. Diqqat savol: Ularni toping. 
Javob : Dalmatinlar! Ular jami 101 ta edi. Film (multfilm) boshida dalmatinlarni sanash sahnasi bor! 
Savol : Bir o`zbekning gapida X haqida gapirilaturib, shahar esga olinadi. Bir amerikalikning fikriga ko`ra, X mavhum bir tushunchaga tenglashtiriladi. Maqolga ko`ra, X ning mavjudligi taomlardan biri bilan bog`lanadi. Diqqat savol: X ni toping. 
Javob : Pul. Obid Asomov: ,,Puling bo`lsa xaltada, Dam olasan Yaltada”. Benjamin Franklin: ,,Vaqt - bu puldir”. Maqol: ,,Pul bo`lsa, changalda sho`rva”! 
Savol : Yaqinda sovg`a va suvenirlar sotiluvchi do`konlarni aylanayotganimda, KO`PGINA ULAR e`tiborimni tortdi. KO`PGINA ULAR hazilmi yoki haqiqat bilmadim, insonlarga bir ishni qilishda yordam beradi. Diqqat savol: ULAR ni ayting!