Jamurad yangiboyevich, amirov

II.3.  Oziqalar haqida tushuncha. 
 
 
Oziqalar deb - o‘simlik. hayvon, mikrob kelib chiqishiga mansub, tarkibida 
o‘zlashtirib  olish  mumkin  tuyimli  moddalar  bo‘lgan,  hayvon  salomatligi  va 
mahsuldorligiga  zararli  ta’sir  ko‘rsatmaydigan  mahsulotlariga  aytiladi,  shu 
jumladan mineral moddalar. 
Tanada  oziqalar  hazm  bo‘lishi  natijasida  ulardan  tuyimli  moddalar  olinib 
hayvon  hayotini  saqlab  turish,  to‘qimalar,  a’zolar  hosil  bo‘lishi,  modda 
almashinuvi va mahsulot ishlab chiqarishga sarflanadi. 
Oziqalar  tarkibida  zararli  va  zaharli  moddalar  bo‘lsa,  ular  to‘liq 
zararsizlantirib hayvon organizmiga ta’sir etmasagina foydalanish mumkin. 
Oziqalarning tarkibiga va tuyimliligidan qat’iy nazar ularning ishtaha bilan 
yeyilishi,  tayyorlash  va  saqlash  usullari,  hamda  yedirishdan  oldin  tayyorlashga 
qulayligi uning texnologik xususiyatlariga kiradi. 
Oziqalar sifati davlat andozalari tomonidan o‘rnatilgan. Oziqalarning sifati 
(klassi,  navi)  uning  tabiatdan  kelib  chiqib,  tarkibidagi  to‘yimli  moddalar, 
mexanik  iflosliklar,  zararli,  zaharli  moddalar  va  boshqa  ko‘rsatkichlar  bilan 
aniqlanadi.