Жамият ижтимоий-сиёсий ҳаётидаги демократик ўзгаришлар ва ривожланиш истиқболлари

21. Ўзбекистонда Ёшлар куни қайси санада белгиланади?
- Ўзбекистон ёшлар иттифоқи ташкил этилган кун – 30 июн санаси мамлакатимизда Ёшлар куни деб эълон қилинди.


22. Демократик жамиятга таъриф беринг?
- Демократик принципларга, инсон ҳуқуқ ва манфаатлари устувор бўлган, ҳуқуқий давлат ва фуқаролик жамияти институтлари амал қиладиган жамиятдир.


23. Президент Ш.Мирзиёев ўзининг “Танқидий таҳлил, қатъий тартиб-интизом ва шахсий жавобгарлик – ҳар бир раҳбар фаолиятининг кундалик қоидаси бўлиши керак” асарида нималарга эътибор қаратган?
- Асарида таълим ва илм-фан, давлатнинг ёшларга доир давлат сиёсатини амалга ошириш, таълимнинг янги, замонавий усулларини, жумладан, ахборот-коммуникация технологияларини жорий этиш соҳасидаги ишлар аҳволи танқидий таҳлил қилиб, бир қатор вазифаларни амалга оширишга эътибор қаратдилар.


24. “Оммавий маданият” тушунчаси остида яширинган бузғунчи ғоялар нималардан иборат?
- “Оммавий маданият” деган ниқоб остида ахлоқий бузуклик ва зўравонлик, индивидуализм, эгоцентризм ғояларини тарқатиш, керак бўлса, шунинг ҳисобидан бойлик орттириш, бошқа халқларнинг неча минг йиллик анъана ва қадриятлари, турмуш тарзининг маънавий негизларига беписандлик, уларни қўпоришга қаратилган хатарли таҳдидлар одамни ташвишга солмай қўймайди. Ҳозирги вақтда ахлоқсизликни маданият деб билиш ва аксинча, асл маънавий қадриятларни менсимасдан, эскилик сарқити деб қараш билан боғлиқ ҳолатлар бугунги тараққиётга, инсон ҳаёти, оила муқаддаслиги ва ёшлар тарбиясига катта хавф солмоқда ва кўпчилик бутун жаҳонда бамисоли бало-қазодек тарқалиб бораётган бундай хуружларга қарши курашиш нақадар муҳим эканини англаб олмоқда.


25. Республикамизда таълим-тарбия сохасидаги ислохотларни босқичма-босқич ўтказиш даври ва вазифаларини аниқланг.
- 1-босқич ўтиш даври, у 1997-2001 йиллар бўлиб, бу босқичда кадрлар тайёрлашни ривожлантириш учун ҳуқуқий, илмий-методик, молиявий-моддий шарт-шароитлар яратиш лозим.
2-босқич-2001-2005 йиллар; миллий дастурни тўлиқ рўёбга чиқариш.
3 -босқич 2005 ва кейинги йилларда тўпланган тажрибалар асосида кадрлар тайёрлаш тизимини такомиллаштиришни кўзда тутади.


Тузувчи: Ш.Танимов