Jalilova s. X. Taraqqiyot psixologiyasi va differentsial psixologiya

Identifikaatsiya – shaxsning o‘zini o‘zga odam bilan emotsional va boshqa tomondan tenglashtirishi.

Konformlik – individning guruh fikrlariga tashqi tomondangina qo‘shilib, ichki tomondan esa qo‘shilmay o‘z fikrida qolishi, guruhga ongli ravishda moslashishi.

Kuzatuvchanlik – shaxs xususiyatlaridan biri, u kishining idrok qilish jarayonida narsalarni kamdan – kam uchraydigan, ammo muhim tomonlarini payqay olishida namoyon bo‘ladi.

Layoqat – nerv tizimining ba’zi irsiy determinlashgan anatomfiziologik hususiyati. Odamda qobiliyatlar tarkib topishi va rivojlanishining dastlabki yakka, tug‘ma, tabiiy zaminidir.

Longityud tadqiqot – tekshirilvchilarni uzoq muddat va doimiy ravishda o‘rganish. Longityud tadqiqot odamdagi individual va yosh davrlardagi o‘zgarishlarni qayd qiladi.

Mayl – shaxs qiziqishlari va fikrlarining biror faoliyat bilan shug‘ullanishiga jalb etilganligi. Mayl shaxsda kuchli istak, xohish tarzida namoyon bo‘lib, bajo keltirilganda odamga mamnuniyat bahsh etadi.

Metod – bilishning nazariy va amaliy o‘zlashtirish usullari yig‘indisi.

Miqdoriy tahlil – moddalar hususiyatining tuzilishini miqdoriy jihatdan aniqlash metodlarining yig‘indisi.

Negativizm – bolalar psixologiyasida atrofdagi kishilarga nisbatan bolaning sababsiz qarshilik ko‘rsatishi. Negativizm ikki xil bo‘lib, passiv – taklif qilingan faoliyatning bola tomonidan bajarilmasligi. Faol shaxsiy negativizm – bolalarning qarama – qarshi xarakterga ega bo‘lgan faoliyatni bajarishi.

Ong va faoliyat birligi tamoyili – psixologiyaning ong bilan faoliyatning birligi, uning o‘zaro bog‘liqligini e’tirof etuvchi g‘oya.

Ontogenez – organizmning individual rivojlanishi. Tirik mavjudotning paydo bo‘lgan davridan to umrining oxirigacha bo‘lgan davrdagi o‘zgarishlar majmui.