Jahongirga

Yoshlarning bilimini yuksaltirish
Iqtidorli yoshlarni aniqlash va ularni munosib rag`batlantirib borish
Yoshlarda fuqarolik pozitsiyasini shakllantirish
Yoshlarning ilm-ma’rifat madaniyatini hamda kitobga bo’lgan muhabbatini oshirish
Yoshlarni barkamol shaxs qilib tarbiyalash

Қурилмада пластмассаларни икки таянч орасида зарбий эгилишга синаш

Пластмассаларнинг зарбий кучларга бўлган мустаҳкамлиги унинг энг муҳим хоссаларидан биридир. Зарбий мустаҳкамлик, кўпинча, пластмассаларни синфларга бўлишда асосий омил бўлиб хизмат қилади. Масалан, ФИАТ фирмасининг ( Италия) нормалида автомобилсозликда ишлатиладиган пластмассалар учун фақат иккита кўрсаткич уларни синфларга бўлишда асосий рўл ўйнайди. Улардан бири зарбга бўлган мустаҳкамлик, иккинчиси эса иссиққа чидамлиликдир. Зарбга бўлган мустаҳкамликни аниқлаш учун маятникли копёр ишлатилади. Мустаҳкамлик намунани синдириш вақтида сарф бўлган иш миқдори билан ўлчанади. Зарбдан олдинги ва кейинги маятник баландликлари айирмасининг маятник оғирлигига кўпайтмаси намунанинг синишида сарф бўлган иш миқдорини белгилайди. Пластмассаларнинг зарбий мустаҳкамлик кўрсаткичи мухандислик ҳисоб ишларида қўлланилади. Ундан фақат ҳар хил материаллар пухталигини ўзаро солиштиришда фойдаланилади. Зарбий қовушқоқликни икки таянчли зарбий эгилишга синаш, зарбий қовушқоқликни аниқлашнинг кенг тарқалган усулларидан биридир. Пластмассаларнинг зарбий кучларга синашда ўртасида П – симон ўйиқчаси бўлган ва бўлмаган тўғри бурчак кесимли брус кўринишидаги намуналар ишлатилади. Зарбий қовушқоқликни аниқлаш усули қуйидаги кўрсаткичларни топишга имкон беради: а) ўйиқчаси бўлмаган намунанинг зарбий қовушқоқлиги, яъни шундай намунани синдириш учун сарф бўлган иш миқдорини унинг кўндаланг кесим юзига нисбати; б) ўйиқчаси бўлган намунанинг зарбий қовушқоқлиги, яъни шундай намунани синдириш учун сарф бўлган иш миқдорини унинг кўндаланг кесим юзига нисбати; в) зарбий қовушқоқликнинг сусайиш коэффициенти, яъни ўйиқчаси бўлган намуна зарбий қовушқоқлигининг ўйиқчаси бўлмаган намуна зарбий қовушқоқлигига нисбати.