Jahon tarixi kafedrasi

Jondavlattepa - shahar xarobasi (milodan avvalgi I ming yil­lik o‘rtalari - milodiy I ming yillik o‘rtalari). SHerobod (Surxondaryo viloyati)­ning shimoli-Sharqiy tomonida joylash­gan. Maydoni 8 gektarga teng bo‘lib, tarhi ko‘p burchakli. Shaharning 2 ta darvozasi bo‘lgan. 1-si Sharqiy devorning o‘rtasida, 2-si janubiy devorning markazida joylashgan. Dar­vozalar ikki tomondan minoralar bilan mustahkamlangan. Hozirgi paytda shahar xa­robasining katta qismidan qabriston sifatida foydalanilmoqda. Kushonlar davrida Jondavlattepa gullab-yashnagan. Shaharning shimimoli-g‘arbiy burchagida murabba tarh­li qo‘rg‘on bo‘lib, balandligi 19 metr bo‘lgan. Jondavlattepadan ko‘plab sopol idishlar va boshqa moddiy ­madaniyat yodgorliklari topilgan.