Jahon bozori va uning shakllari reja: Kirish

1-jadval. 2020 yilda tashqi savdo nuqtai nazaridan dunyoning eng yaxshi 20 mamlakati

Mamlakat	Tashqi savdo aylanmasi, milliard dollar.	Jahon savdosida ulushi,%	Eksport, milliard dollar	Dunyo miqyosidagi eksportda ulushi,%	Import, milliard dollar.	Global importda ulushi,%	Savdo balansi, milliard dollar.
	Tinchlik	35754	100	17730	100	18024	100,0	-294
1	Xitoy	4105	11,5	2263	12,8	1842	10,2	421
2	AQSH	3956	11,1	1547	8,7	2409	13,4	-862
3	Germaniya	2615	7,3	1448	8,2	1167	6,5	281
4	Yapon	1370	3,8	698	3,9	672	3,7	26
5	Gollandiya	1226	3,4	652	3,7	574	3,2	78
6	Frantsiya	1160	3,2	535	3,0	625	3,5	-90
7	Gonkong	1140	3,2	550	3,1	590	3,3	-40
8	Buyuk Britaniya	1089	3,0	445	2,5	644	3,6	-199
9	Janubiy Koreya	1052	2,9	574	3,2	478	2,7	96
10	Italiya	959	2,7	506	2,9	453	2,5	53
11	Kanada	863	2,4	421	2,4	442	2,5	-21
12	Meksika	841	2,4	409	2,3	432	2,4	-23
13	Belgiya	833	2,3	430	2,4	403	2,2	27
14	Hindiston	745	2,1	298	1,7	447	2,5	-149
15	Singapore	701	2,0	373	2,1	328	1,8	45
16	Ispaniya	672	1,9	321	1,8	351	1,9	-30
17	BAA	628	1,8	360	2,0	268	1,5	92
18	Rossiya	592	1,7	354	2,0	238	1,3	116
17	Ayvon	576	1,6	317	1,8	259	1,4	58
20	Shvitserland	569	1,6	300	1,7	269	1,5	31

Izoh: bu jadval 2020 yilda tashqi savdo nuqtai nazaridan dunyoning eng yaxshi 20 mamlakatining iqtisodiy ulushini ko’rsatadi. Bundan ko’rishimiz mumkinki, Xitoy Jahon savdo ulushi 4105 % bo’lib, dunyoda yetakchilardan hisoblanadi. Savdo balansi bo’yicha esa Germaniya 6.5 milliard dollarga teng va u dunyo bo’yicha 3 o’rinni egallagan.

Xalqaro savdo xususiyatlari uchun bir qator ko'rsatkichlar qo'llaniladi:

• 
  jahon ayirboshlashning qiymati va jismoniy hajmi;
  
• 
  umumiy, tijorat va geografik (fazoviy) tuzilishi;
  
• 
  eksportni ixtisoslashtirish va sanoatlashtirish darajasi;
  
• 
  Eksport va import, savdoning elastiklik koeffitsientlari;
  
• 
  tashqi savdo, eksport va import kvotalari;
  
• 
  savdo balansi.
  

4.O‘zbekiston iqtisodiyotining jahon bozoridagi o‘rni va iqtisodiy islohotlarning chuqurlashuvi.
O‘zbekistonning jahon iqtisodiyotiga qo‘shilishining shart-sharoitlari va tashqi iqtisodiy faoliyatini amalga oshirish imkoniyatlari Respublika davlat mustaqilligini qo‘lga kiritishi bilan vujudga kela boshladi. Bunday vaziyatda tashqi iqtisodiy majmuani boshqarishning o‘ziga xos tizimini shakllantirish, tashqi aloqalarni yo‘lga qo‘yish borasida qoida va tamoyillarni ishlab chiqish, respublikaning jahon iqtisodiy tizimiga qo‘shilish yo‘llarini belgilash taqozo etiladi.
Respublika tashqi siyosatini amalga oshirishning asosiy tamoyillari teng huquqlilik va o‘zaro manfaatdorlik negizida qurilsa, uning qoidalari ikki tomonlama va ko‘p tomonlama shartnoma munosabatlarida o‘zaro manfaatli aloqalar o‘rnatish, xalqaro iqtisodiy ittifoqlar doirasidagi hamkorlikni chuqurlashtirishga asoslanadi.
O‘zbekistonning xalqaro mehnat taqsimoti va jahon xo‘jalik aloqalarida ishtirok etishning asosi ochiq turdagi iqtisodiyotni vujudga keltirishdir. Shu sababli respublikamiz mustaqillikka erishgandan keyin qisqa davr ichida 80 dan ortiq davlat bilan diplomatiya munosabatlarini o‘rnatdi, dunyoning 20 dan ortiq davlatida diplomatiya elchixonalarini ochdi, ko‘pgina xalqaro tashkilotlar – BMT iqtisodiy muassasalari, Jahon banki, Xalqaro bank, Xalqaro valyuta fondi, Xalqaro moliya korporatsiyasi, Iqtisodiy taraqqiyotga ko‘maklashuvchi tashkilot kabi boshqa xalqaro moliyaviy-iqtisodiy tashkilotlarga a’zo bo‘lib kirdi.
Bugungi kunda O‘zbekistonning jahon xo‘jaligiga integratsiyalashuvi ko‘p darajali tizim sifatida amal qilib, uni quyidagi beshta darajaga ajratish mumkin: global; transkontinental; mintaqalararo; mintaqaviy; mahalliy. Har bir darajadagi integratsion aloqalarning o‘ziga xos vazifalari mavjud.O‘zbekistonning global darajada amalga oshiriluvchi strategik integratsion vazifasi – bu mamlakatdagi barcha xo‘jalik sub’ektlarining tashqi bozor bilan o‘zaro aloqasini ta’minlash uchun teng huquqli va milliy manfaatlarga mos keluvchi shart-sharoitlarni yaratish asosida uning xalqaro valyuta-moliya va savdo mexanizmlariga bevosita qo‘shilishidir. O‘zbekistonning BMT, yevropada xavfsizlik va hamkorlik tashkiloti (OBSE), yevropa hamjamiyati, NATO, Jahon banki, Xalqaro valyuta fondi, Iqtisodiy hamkorlik tashkiloti (EKO) kabi tashkilotlar faoliyatidagi faol ishtiroki uning jahon xo‘jaligiga yanada kengroq integratsiyalashuvini ta’minlaydi.
O‘zbekistonning transkontinental darajada amalga oshiriluvchi integratsion vazifasi – bu xalqaro transosiyo Iqtisodiy xamkorlik tashkiloti (EKO) doirasidagi o‘zaro aloqalarni yanada kuchaytirishdan iborat. Bu tashkilot 1992 yilda tashkil etilgan bo‘lib, o‘z ichiga Osiyo qit’asining 10 ta davlati (Turkiya, Eron, Pokiston, Afg‘oniston, O‘zbekiston, Qozog‘iston, Qirg‘iziston, Tojikiston, Turkmaniston va Ozarbayjon)ni oladi. Uning asosiy maqsadi – xo‘jalikning transport, kommunikatsiyalar, sanoat, qishloq xo‘jaligi, savdo, turizm, ishchi kuchi resurslarini rivojlantirish kabi sohalarida mintaqaviy va xalqaro iqtisodiy hamkorlikni yo‘lga qo‘yishdan iborat.
O‘zbekiston mintaqalararo darajada yangi mustaqil davlatlar – MDH mamlakatlari bilan integratsiyaga kirishdi. O‘zbekiston birinchilar qatorida MDHni tashkil etish g‘oyasini qo‘llab-quvvatladi, uning tashkilotchilari tarkibiga kirdi, integratsion va kooperatsion aloqalarini mustahkamlash hamda uning Xalqaro iqtisodiy qo‘mita (MEK), Davlatlararo bank (MGB), MDH Statistika qo‘mitasi kabi institutsional tuzilmalarini shakllantirishda faol ishtirok etmoqda.
O‘zbekistonning mintaqaviy darajadagi integratsiyasi – bu umumiy tarixga, yagona madaniy an’analarga, o‘xshash turmush tarzi va mentalitetga ega bo‘lgan qardosh xalqlarni birlashtiruvchi Markaziy Osiyo mamlakatlari o‘rtasidagi hamkorlikni mustahkamlash va rivojlantirishdan iborat. Bunday integratsion aloqaning aniq shakli sifatida 1992 yilning yanvar oyida tashkil etilgan Markaziy Osiyo mintaqaviy hamkorligi (TSARS) tashkil etildi.
Yana bir istiqbolli, kuchli salohiyatga ega bo‘lgan mintaqaviy birlashmalardan biri – Shanxay hamkorlik tashkiloti (SHOS)dir. Bu tashkilot 2001 yilning 15 iyunida oltita – O‘zbekiston, Qozog‘iston, Qirg‘iziston, Tojikiston, Rossiya va Xitoy mamlakatlari hamkorligida tashkil etildi.
Bugungi kunda SHanxay hamkorlik tashkilotining xalqaro maydondagi nufuzi, obro‘-e’tibori sezilarli darajada oshib bormoqda. Ushbu tashkilot safidan joy olish istagini bildirgan davlatlar soni ham ko‘paymoqda. ShHTning salohiyati haqida gapirganda masalaning faqat iqtisodiy jihati hisobga olinsa ham, uni yirik iqtisodiy integratsiyaviy tashkilot deb atash uchun barcha asoslar yetarlidir.
ShHTning salohiyat va imkoniyatlari to‘g‘risida so‘z ketganda, eng avvalo unga a’zo mamlakatlar egallagan hudud ko‘lamining ahamiyatli darajada kattaligini ta’kidlash o‘rinlidir. ShHTga a’zo davlatlarning umumiy hududi 30178,7 ming km.kv ni tashkil etib, unda eng katta salmoqni Rossiya (56,6%) va Xitoy (31,8%) egallaydi (1-jadval). Mazkur tashkilotga a’zo davlatlar aholisi soni 1,5 mlrd.dan ko‘proq bo‘lib, aholi umumiy sonidagi salmog‘i jihatidan Xitoy eng katta ulushga ega – 87,0 %. So‘nggi yillarda SHHTga a’zo davlatlar tomonidan ishlab chiqarilgan YAIM hajmi 12,1 trln. doll.dan oshadi.O‘zbekistonning Shanxay hamkorlik tashkiloti mamlakatlari bilan iqtisodiy integratsiyasining kuchayishi ko‘p jihatdan mazkur mamlakatlarning milliy manfaatdorligi bilan belgilanadi. Eng avvalo, O‘zbekiston raqobat jihatidan nisbatan ustunlikka ega bo‘lgan ishlab chiqarish sohalari tovarlari – paxta xomashyosi, mashinasozlik, kimyo sanoati, qurilish materiallari sanoati, elektr energetikasi tovarlarining savdosini kengaytirishi maqsadga muvofiqdir. Shuningdek, telekommunikatsiyalar, suv va energiya resurslaridan foydalanish, xalqaro turizm, hamkorlikdagi ekologik loyihalarni amalga oshirish borasida integratsiya aloqalarini kuchaytirish lozim.