Jadvallar ustida amallar

13-dars.

JADVALLAR USTIDA AMALLAR

Avvalgi darsda Wordda hujjatga jadval joylashtirish, jadval ustunlari o‘lchamini o‘zgartirish va tartiblash kabi amallar bilan tanishdingiz. Bu darsda jadvalga yangi satr yoki ustun qo‘shish, satr yoki ustunni olib tashlash, jadval kataklarini birlashtirish va aksincha, jadval kataklarini katakchalarga ajratish kabi amallarni bajarish usullari bilan tanishasiz.

Kalit so‘zlar: jadval, satr va ustun qo‘shish, satr va ustunni olib tashlash, kataklarni birlashtirish, kataklarni bo‘lish.
JADVALGA YANGI SATR YOKI USTUN QO‘SHISH

Ba’zan jadvaldagi ortiqcha satr yoki ustunni o‘chirish kerak bo‘ladi. Lekin oddiy usulda ularni o‘chirib bo‘lmaydi. Shuning uchun quyidagicha amallar bajariladi.

Avval yurgich o‘chirilishi kerak bo‘lgan satr yoki ustunga joylashtiriladi. Agar bir necha satr yoki ustun o‘chirilishi kerak bo‘lsa, satrlar yoki ustunlar blokka olinadi. Maket tasmasining Satrlar va ustunlar (Строки и столбцы) guruhidagi O‘chirilsin (Удалить) tugmasi ro‘yxatidan kerakli amal tanlanadi, masalan, agar satr o‘chirilishi kerak bo‘lsa, u holda Satrlar o‘chirilsin (Удалить строки) tugmasi tanlanadi.