Жабборов, Рустам 100 жумбоқли ҳикоя / Рустам Жабборов. Тошкент: Янги

ИККИНЧИ ПАРАШЮТ
Воқеа бир неча ўн йиллар олдин рўй берганди...
Самолёт булутлар уммони бағрида бир текисда су зиб 
борарди. Йўловчилар ҳам бехавотир кетишар, кимдир 
газета ўқир, кимдир монитор орқали фильм томоша 
қилар, яна кимдир иллюминатор оша булутлар уюрини 
хаёлчан кузатарди. 
Шу пайт самолёт бортида янграган жарангдор овоз 
ҳаммани сергак торттирди:
– Ҳурматли йўловчилар, илтимос, ваҳимага туш-
манг! Лекин, афсуски, мен қуролланганман. Қўлимда 
ҳақиқий граната турибди. Агар экипаж аъзолари ва сиз 

---

99
«
100 жумбоқли ҳикоя
»
азизлар билан келиша олсак, барчангиз ўз манзилин-
гизга эсон-омон етиб бора оласиз. Акс ҳолда, бутун са-
молётни ердан 10 минг метр баландликда портлатиб 
юбораман!
Ўттиз ёшлардаги, хушбичим, малласоч, юзида били-
нар-билинмас тиртиғи бор йигит қўлида лимон каттали-
гидаги мосламани ушлаб турарди. Шу ондаёқ самолёт 
ичида саросима бошланди. 
Кўп ўтмай бошқарув хонасидан чиқиб келган иккин-
чи учувчи имкон қадар юмшоқлик билан террорчи йи-
гитга юзланди:
– Жаноб, биз ҳозироқ диспетчер хизмати билан 
боғланиб барча талабларингизни бажаришга ҳаракат 
қиламиз. Фақат салонда эмас, бошқарув хонасига ўтсак. 
Йўловчиларимизни ташвишга қўймайлик.
Бошқарув хонасида террорчи ўз талабларини маъ-
лум қилди:
– Ҳозироқ энг яқин орадаги аэропортга қўнишга рух-
сат оласиз. У ерга қўнишимиз билан аэропорт хизмат-
чилари самолёт бортига 100 минг доллар пул ва иккита 
парашют олиб чиқишади. Қолганини кейин айтаман.
Ёрдамчи пилот яқин орадаги аэропорт диспетчери 
билан боғланиб, террорчининг талабини етказди. Аэро-
портдан қўниш учун рухсат берилди. Самолёт ерга қў-
ниши билан аэропорт ходимлари террорчи айтган пул 
ва парашютларни чиқариб беришди:
– Умид қиламанки, пулларнинг ҳаммаси ҳақиқий, 
– у шундай дея пулларнинг ўртасидан бир нечтасини 
бармоқлари ила пайпаслаб кўрди, кейин ишонч билан 
қўшимча қилди. – Энди парвозни давом эттирамиз, – 
деди қўлидаги гранатани хотиржам айлантириб томоша 
қиларкан. – Мен ўзим хоҳлаган жойда самолётдан сак-
райман. 
Террорчидан ҳар қандай қабоҳатни кутиб турган 
учувчилар бу гал ҳам унинг амрига бўйсунишди. Само-
лёт яна кўкка парвоз қилди. 

---

Рустам Жабборов
100
Террорчи бир қўли билан пул солинган сумка, иккин-
чи қўлида гранатани тутиб турар, парашютларни қўл-
тиғига қистириб олганди. 
Самолёт ям-яшил ўрмонлар устидан уча бошлагани-
да, йигит сумкани тишида тишлаб, бир қўлида парашют-
нинг тутқичидан ушлади. Иккинчи қўлида ҳамон грана-
тани чангаллаб турарди. 
– Энди эса, марҳамат қилиб, эҳтиётлик билан эшикни 
очсангиз. – У шундай дея ерда ётган иккинчи парашютга 
имо қилди. – Буни эса ўзингизга эсдаликка олиб қўярсиз.
Шундай дея йигит ўзини пастга отди. Зум ўтмай 
параш ют очилди ва у қўлидаги сумка билан ям-яшил 
ўрмон бағрига сингиб кетди. Аммо, ўша ондаёқ унинг 
ҳар бир хатти-ҳаракати кузатув остига олинганди. У ерга 
тушиши билан уни излашга киришилди. Бир неча кун-
дан сўнг террорчи қўлга олинди ва сўроққа тортилди. 
Ҳуқуқ-тартибот органлари террорчининг ҳар бир 
ҳаракати қанчалик кучли мантиққа асосланганига 
ич-ичларидан тан бериб ўтирарди. Аммо қинғир иш-
нинг қийиғи фош бўлиши аниқ эди. 
Фақат, бир савол очиқ қолмоқда эди. Террорчи нима са-
бабдан бир эмас, иккита парашют талаб қилди экан? Ахир 
у барибир парашютлардан биттасини ташлаб кетди-ку? 
Бунинг сабабини йигит албатта гапириб берган. 
Аммо, сиз буни қандай изоҳлайсиз? 
Эллик тўртинчи ҳикоя