J. O. Tolipova

An’anaviy ta’lim
Modulli ta’lim
Darslar bir xil tarzda olib boriladi. Vaqtdan unumli foydalanilmaydi. O'quv materialini o'zlashtirish dastlabki bosqichda bo'ladi. Uy vazifasining hajmi ortib ketadi. O'quvchilarning o'zaro muloqoti, mustaqilligi, nutqini rivojlantirish imkoniyati cheklangan. Yangi mavzuni o'rganishda o'rta saviyali o'quvchiga nisbatan mo'ljal olinadi. O'quvchilar faoliyati sust, tayyor bilimJarni o'zlashtirishga qaratiladi. O'quvchilar bilimini o'qituvchi baholaydi. Pedagogik munosabatlar avtoritar texnologiyaga asoslanadi.	Modul dasturi talablari asosida olib boriladi. Vaqtdan samarali foydalaniladi. O'quvchilar tomonidan o'quv materiali yuqori darajada o'zlashtirilishiga, o'z ustida mustaqil ishlashiga imkon yaratiladi. O'quvchilar yakka, juft holda kichikguruhlarda ishlaydi, ular o'rtasida do'stona muloqot, o'zaro yordam, hamkorlik vujudga keladi, nutqi rivojlantiriladi. Har bir o'quvchi o'z qiziqishi, iqtidoriga asoslanib bilimini oshirish maqsadida mustaqil va ijodiy ishlab yangi bilimlami o'zlashtiradi. O'z-o'zini nazorat, o'zaro nazorat va o'qituvchi nazorati amalga oshiriladi. Pedagogik munosabatlar o'zaro hamkorlikka asoslanadi.

Modulli ta’lim texnologiyalaridan biologiyani o'qitishda foydalanish muhim ahamiyat kasb etadi. Quyida dars loyihalari berilmoqda.

Darsning mavzusi. Ra’nodoshlar oilasi.

Darsning ta’limiy maqsadi. O'quvchilarni ra’nodoshlar oilasiga mansub yovvoyi va madaniy o'simliklarning tuzilishidagi o'ziga xos xususiyatlar bilan tanishtirish.

Darsning tarbiyaviy maqsadi. O'simliklar olamiga nisbatan ongli munosabatni tarkib toptirish, ekologik, iqtisodiy, estetik va axloqiy tarbiya berish. Darsning rivojlantiruvchi maqsadi. O'quvchilarning sistematik birliklar, o'simliklarning tuzilishi haqidagi bilimlari, kuzatish, o'simliklarni tanish va ajratish, darslik ustida mustaqil ishlash ko'nikmalarini rivojlantirish.

Darsni jihozlash. na’matak, atirgul, olma, shaftoli, olcha, o'rik gullarining tuzilishi mulyaji, gerbariylari, «Ra’nodoshlar oilasi» jadvali. Darsda foydalaniladigan texnologiya. Modulli ta’lim texnologiyasi (o'quvchilarning kichik guruhlarda ishlashiga mo'ljallangan modul dasturi).