Изланувчилар online илмий-амалий

 
 
ЭЛЕКТР ЭНЕРГИЯСИНИНГ БУГУНГИ ВА ЭРТАНГИ НАРХИ 
Ашуралиев Баҳромжон Ғайратжон ўғли, Назиров Шодиёржон Дониёржон 
ўғли 
Фарғона политехника институти 
2020 йилнинг 26 октябрь куни президент Шавкат Мирзиёев электр 
энергетикаси корхоналарини трансформация қилиш бўйича устувор 
вазифалар муҳокамаси юзасидан йиғилиш ўтказди. 
Йиғилишда электр энергиясининг рақобатли бозорини ташкил этиш 
орқали таннархни тушириш масаласига алоҳида эътибор қаратилган. 
«Ҳудудий электр тармоқлари» АЖ раиси Улуғбек Мустафоевнинг 
берган интервьюсида давлат раҳбари 2021−2022 йилларда электр энер гияни 
тарифини оширмасликни асосий масаласи этиб белгилаб берганини 
таъкидлади. 

---

279 
«Ҳар бир компанияга, шу жумладан, „Ҳудудий электр тармоқлари“ 
АЖ олдига ҳам бир қатор вазифаларни қўйдилар. Қилинадиган 
модернизация, реконструкция ишларини амалга оширишга тарифни кўтариш 
ҳисобидан эмас, балки мана шу ишлаб чиқаришда кетадиган ҳаражатларни, 
яъни таннархни камайтириш эвазига эришиш масаласини қўйдилар», — дея 
таъкидлади компания раиси Улуғбек Мустафоев. 
Президент Шавкат Мирзиёев йиғилиш давомида «Давлат 
корхоналарини трансформация қилиш бўйича биз жуда катта ўзимизга 
мажбурият олганмиз, халқимиз олдида. Ҳаммамиз учун бу — янгилик. Агар
биз энергетика соҳасида трансформацияни тўғри қилсак, жуда катта 
натижаларга эришишимиз мумкин. Энг катта нарса, бу — таннархни 
камайтириш. Қаерга бормасак, одамлар электр энергиядан норози. Ҳозирги 
кўп электр станцияларининг эскириш даражаси 50 фоиздан юқори. Уч йил 
олдин 70 фоиз эди. Бу албатта, рақобатбардошлилик нуқтаи назаридан, 
ҳаражат нуқтаи назаридан мутлақо бизнинг ҳозирги режаларимизга тўғри 
келмайди», — деб айтдилар. 
«Битта Сирдарёдаги ишлаб чиқарадиган электр энергияси ҳудудга етиб 
боргунча неча пулга тушаяпти деган савол ҳаммани қийнаши керак. 4та 
компанияни раҳбари олдига қўйган вазифаларни қандай бажариш бўйича 
аниқ фикр айтиши керак. Булар ҳафтада 50 фоиз ишини трансформация 
билан шуғулланса менга ҳам маъқул», — дея қайд этди президентимиз. Бу 
ерда тилга олинган 4та компания Ўзбекистон Республикаси Энергетика 
вазирлиги таркибига кирувчи тўртта мустақил компания — «Ўзбекистон 
миллий электр тармоқлари», «Ҳудудий электр тармоқлари», «Иссиқлик 
электр станциялари» ва «Ўзбекгидроэнерго» акциядорлик жамиятлари. 
Юқорида айтилганлардан бугунги кунда энергетика вазирлигининг олдига 
қўйилган энг асосий вазифа бу - трансформация қилиш, трансформацияни 
амалга оширишда эътибор қаратиладиган муҳим вазифа эса бу электр 
энергиясининг нархи эканлиги маълум. 
Электр энергиясининг таннархи бу жуда хам кўп фактор ларга боғлиқ, 
шу билан бирга электр энергиясини ишлаб чиқариш мураккаб ва у билан 
боғлиқ харажатлар юритишда хар бир ишлаб чиқариш жараёнини алохида 
объект сифатида каралиши керак. Электр энергиясини ишлаб чиқариш 
харажатларини уч босқичга ажратиб оламиз: 
- электр энергиясини ишлаб чиқаришда ишлатиладиган ресурсларни 
қазиб олиш ва етказиб бериш харажатлари; 
- электр энергиясини ишлаб чиқариш харажатлари; 
- электр энергиясини етказиб бериш ва ташқи атроф-мухит билан боғлиқ 
ижтимоий харажатлар. 
Энергетика вазирлиги таркибидаги 4та компания: «Ўзбекистон миллий 
электр тармоқлари», «Ҳудудий электр тармоқлари», «Иссиқлик электр 
станциялари» ва «Ўзбекгидроэнерго» лар электр энергиясининг таннархини 
шакиллантиришда хар бири ўз мустақил позицияларига эга. Таннархни хар 

---

280 
бирининг кесимида алохида ўрганилиб, бўшлиқларни топиб тўлдириш ва чет 
эл тажрибасидан фойдаланиш бугуннинг талабига айланди. 
Электр энергиясининг таннархига электор энергияси тармоқларидаги 
қурилмаларнинг ва линияларнинг жорий ва капитал таъмири, 
модернизацияси, олиб борилаётган қурилиш харажатлари, ходимлар 
маошлари ва бошка шу каби харажатлар қўшилгандан сўнг электр 
энергиясининг нархи шакилланади. 
Электр энергиясининг нархига таъсир кўрсатувчи факторланинг 
кўплиги, бугунги кунда давлат сиёсати даражасига кўтарилган бу масалага 
ижобий ечим топиш учун изланишга ундайди. Бугун электр энергияси 
сохасида фақат нархни ошириш ҳисобига даромадни ошириш ўтмишга 
айланмоқда. Иш режмларни оптималлаштириш, кучланиш ва юкламанинг 
мутаносиблиги, янги ресурслар излаш, йуқотишларни камайтириш, 
рақобатни шакиллантириш, қайта тикланувчи манбаларни р ивожлантириш 
керак. 
Давлатимиз раҳбари таъкидлаганидек «Агар бу соҳа рақобатбардош 
бўлиб, таннарх камайтирса ҳамма соҳамизга жуда катта ижобий таъсир 
кўрсатади. Тарихий ишларни бошлаяпмиз. Агар мана шу энер гетикани жой 
жойига қўйсак, кўп ишларни самарадорлиги ва маҳсулотларимизни ҳам 
экспортбоплиги жойига тушади». 
Адабиётлар