Ызбекистон республикаси олий ва ырта

 К. Барроу, П. Барроу, Р. Броунлар
муаллифлигида 2003 йилда 
Москвада чоп этилган «Бизнес-режалаштириш: тўла қўлланма» (Бизнес-
планирование: полное руководство) номли инглиз тилидан таржима қилинган 
қўлланма кенг қизиқувчилар учун мўлжалланган бўлиб, унда Буюк 
Британиянинг Крэнфилд менежмент мактаби томонидан ишлаб чиқилган 
бизнес-режа тузишнинг барча амалий жиҳатлари бирлаштирилган. 
Қўлланмада бизнес-режани ишлаб чиқиш Буюк Британия тажрибасига 
асосланади. Китобнинг афзаллиги шундаки, унда тадбиркор учун бизнес-режа 
тузишда зарур бўлиши мумкин бўлган ахборотлари қандай ва қаердан олиш 
мумкинлиги ҳақида тўлиқ маълумотлар берилган. Масалан, интернетнинг 
маълум бир аниқ сайтларидан, телефон бизнес-каталогларидан қандай 
маълумот олиш мумкинлиги ва уларнинг ишончлилик даражаси қандайлиги 
ёритилган. 
К.В. Пивоваров 
муаллифлигида 2002 йили Москвада чоп этилган «Биз-
нес-режалаштириш» (Бизнес-планирование) номли
 
ўқув қўлланма 4 та бобдан 
иборат бўлиб, уларда бизнес режалаштиришнинг услубий асослари, бизнес-
режани ишлаб чиқиш тамойиллари, асосий кўрсаткичларни ишлаб чиқиш услу-
биятини, турли корхоналар учун бизнес-режа ишлаб чиқишнинг хусусиятлари 
ёритилган. Бу китоб табиркорларни ўз ишини қандай ташкил этишга ўргатади 
ва бунда асосий мақсад ва вазифаларни тўғри белгилаб олиш ҳамда амалга 

---

7 
ошириш орқали ижобий натижа, айниқса фойда ёки даромадни таъминлаш 
йўлларини кўрсатиб беради.
 

---

8 
I-БЎЛИМ. БОЗОР ИҚТИСОДИЁТИ ВА БИЗНЕС 
 
I-боб. БОЗОР ИҚТИСОДИЁТИ ВА БИЗНЕС
1.1. Бозор иқтисодиёти, унинг тамойиллари ва ўзига хос 
хусусиятлари 
Инсон, инсоний жамият ва иқтисодиёт бир-биридан ажралмас 
тушунчалардир. Иқтисодиёт инсон ёрдамида, унинг манфаатлари йўлида 
вужудга келган бўлиб, бир вақтнинг ўзида ҳам айрим инсонларнинг, ҳам бутун 
жамиятнинг ривожланишига катта таъсир кўрсатади. 
Замонавий иқтисодиёт фани иқтисодиётни буйруқбозлик, бозор ва 
аралаш турларга ажратади. Буйруқбозлик иқтисодиёти
 
жамиятдаги ишлаб 
чиқаришда давлатнинг роли етакчи эканлиги билан тавсифланади. Барча мулк 
давлатга тегишли бўлиб, у томонидан қабул қилинувчи қарорлар 
иқтисодиётнинг барча соҳа ва тармоқлари учун мажбурий ҳисобланади.