Ызбекистон республикаси олий ва ырта махсус таълим вазирлиги

5.2. Suv resurslaridan foydalanish va uni tubdan yaxshilash. Quruq iqlim sharoitida suvning ahamiyati beqiyos ulug’vor, axir bekorga aytilmaganku: “suv bor joyda hayot bor” deb. Darhaqiqat suv Yer kurrasi miqyosida ulkan ahamiyat kasb etadi, suv sayyoramizning gidrosfyera qobig’ini tashkil qilgan holda boshqa qobiqlar bilan mustahkam o’zaro aloqada, bog’liqlikda mavjuddir. Gidrosfyeraning hajmi hozirda 1,5 mlrd.. km³, uning 95% hajmi va maydon jihatdan Yer kurrasining 72% qismi Dunyo okeani bilan band, gidrosfyeraning 60 ming km³ (4%) qismini yer osti suvlari tashkil qiladi. Yer qutblaridagi muzliklarda 24 mln. m³ (1,6%) chuchuk suv mavjud. Yer ustidagi chuchuk suvlar miqdori 360 ming kub km (0,25%). Daryolar suvlari hajmi 45060 km³. Gidrosfyeraning asosiy xususiyati-bu sayyora bo’yicha suvning aylanma harakatidir, ya’ni Dunyo okeani sathidan bug’lanishga sarf bo’lgan namlik yog’in-sochin sifatida uning katta qismi yana okean yuzasiga tushadi, qolganlari quruqlikka yomg’ir va qor sifatida tushib, daryolar oqimi bilan yana gidrosfyeraga qaytadi.

Markaziy Osiyo yoki Orol dengizi hududi ulkan bekiq (okeanga chiqmaydigan) havza bo’lib, tog’li qismida vujudga kelgan suv oqimi butunlay xalq xo’jaligi sohalarida sarflanadi. Suv taqchil bo’lgan bu o’lkada ishlab chiqarishni rivojlantirish suv resurslariga juda bog’liq.