Ызбекистон республикаси олий ва ырта махсус таълим вазирлиги

Markaziy Osiyo suv resurslari va ulardan foydalanish. O’zbekiston suv resurslarini Orol dengizi havzasi miqyosida o’rganish joiz. Chunki, respublika hududini ikki yirik daryo: Amudaryo va Sirdaryo kesib o’tgan, ularning suv olish havzalari Tyan-Shan va Pomir-Oloy tizimi tog’larida joylashgan. O’zbekistonda eng yirik daryo Amudaryo hisoblanadi. Uning tog’ qismida suv oluvchi havzasi 227 ming km², uning havzasidan har yili o’rtacha 79 km³ suv oqib o’tadi. Shundan respublika hududida taxminan 6 km³ (7,5%) suv oqimi vujudga keladi. Sirdaryoning tog’li qismidagi suv oluvchi havzasi maydoni 150 ming km², ushbu havzada har yili o’rtacha 38 km³ suv oqib o’tadi. Shundan taxminan 4 km³ (qariyb 10%) suv O’zbekistonda vujudga keladi. Qirg’iziston va Janubiy Qozog’istondagi byerk botiqlarining suv oqimi 10,2 km³ ni tashkil qiladi. Orol dengizining o’rtacha yillik suv hajmi 126,9 km³.

O’zbekiston hududida vujudga keladigan yer usti suvlarining o’rtacha yillik oqim hajmi 10 km³, atrofdan qo’shimcha 89 km³ suv keladi. Daryolar oqimini tartibga solish, irrigatsiya va enyergiya ishlab chiqarish maqsadida mamlakatda 53 ta katta-kichik suv ombori va 28 ta selxona qurilgan, suv omborlarining jami suv sig’imi 16 km³dan ziyod.

Markaziy Osiyoda yer usti suvidan foydalanish har bir mamlakat uchun belgilangan limit bo’yicha amalga oshiriladi (3-jadval).

Amudaryo va Sirdaryo havzalaridagi suv resurslari har yili yil boshida 1988 yilda tashkil qilingan “Amudaryo” va “Sirdaryo” havza suv xo’jaligi birlashmalari tomonidan Markaziy Osiyo respublikalari orasida qayta taqsimlanadi.