Ызбекистон республикаси олий ва ырта махсус таълим вазирлиги

5.5. Rekreatsiya resurslaridan foydalanish va uni takomillashtirish. Rekreatsiya (insonning sog’ligini va mehnatga qobiliyatini dam ob’ektlarida qayta tiklashi, sayyohlik yo’li bilan tabiatning turli maskanlariga borish, arxitektura va tarixiy yodgorliklarni borib ko’rish va hokazo) dunyo bo’yicha rivojlangan va ayrim davlatlarda (Ispaniya, Italiya, Gretsiya, AQSh, Frantsiya, Buyuk Britaniya, Yugoslaviya, Turkiya, Yaponiya va boshq.) katta daromad manbaiga aylangan iqtisodiyot sohasi hisoblanadi. Reakreatsiya sohalari nihoyatda ko’p: kurort, sanatoriya, kasalxona va boshqa salomatlik ob’ektlarida sog’likni qayta tiklash, sayyohlik yo’li bilan turli geografik joylarda (daryo, ko’l, suv ombori, selxona, dengiz, muzlik, tog’, adir, o’rmon va b.) tabiat yodgorliklari (g’or, sharshara, relef shakllari)da bo’lish, suv havzalarida cho’milish, qarmoq bilan baliq tutish, suv sporti bilan shug’ulanish, qayiqda sayr qilish va hokazo, sayyohlik yo’li bilan turli shaharlarga borib tarixiy va arxitektura yodgorliklarini ko’rish, turli o’lka, mamlakatlar, shaharlarga borish va ularning diqqatga sazovor joylarini va ijtimoiy-iqtisodiy ob’ektlarini ko’rish va b.

Reakreatsiya resurslari-tabiiy va madaniy, iqtisodiy, tarixiy resurlarning bir qismlaridan iborat bo’lib, ular insonning dam olishi va sog’lig’ini qayta tiklashi uchun va mehnat qobiliyatini yaxshilish uchun zarur bo’ladi. Boshqacha aytganda tabiiy resurslar va dam olish hamda sog’likni qayta tiklash uchun zarur bo’ladigan barcha ijtimoiy infratuzilmalar majmuasidan iborat bo’ladi. Statsionar holdagi ob’ektlarga (kurort, dam olish uylariga) hordiq chiqarish uchun kelgan har qanday kishini tabiiy sharoit (toza havo, me’yordagi davolovchi ichimlik suvi, ajoyib tabiat manzarasi) va a’lo darajada xizmat ko’rsatish qiziqtiradi, tabiat qo’ynida dam olish uchun chiqqanlarni esa ajoyib tabiat manzarasi, toza havo, jozibali suv ob’ektlari (daryo, suv ombori, ko’l va hokazo) qiziqtiradi. Binobarin, dam olishning ham o’ziga yarasha mezonlari mavjudki ularni to’liq hisobga olish rekreatsiya resurslaridan omilkorlik bilan foydalanishni kuchaytiradi.