Ызбекистон Республикаси Олий ва ырта махсус таълим вазирлиги, Ырта махсус касб-щунар таълими маркази томонидан касб-щунар коллежлари учун тавсия этилган ушбу ы=ув =ылланма темир йыл транспортида фойдаланиш ишларини ташкил этиш ва бош=ариш масалаларига

Ўзбекистон Республикаси Олий ва ўрта махсус таълим вазирлиги, Ўрта махсус касб – ҳунар таълими маркази томонидан касб-ҳунар коллежлари учун тавсия этилган ушбу ўқув қўлланма темир йўл транспортида фойдаланиш ишларини ташкил этиш ва бошқариш масалаларига бағишланган.
Ўқув қўлланмада темир йўл транспортида фойдаланиш ишларининг асослари, бекатларнинг ишини ташкил этиш, поездлар ҳаракати графигини ва поездлар тузиш режасини ишлаб чиқиш ва амалга ошириш, темир йўлнинг ўтказиш қобилиятини ҳисоблаш, йўловчилар ҳаракатини ташкил этиш ва поездлар ҳаракатини нозирли бошқариш баён қилинган.
Ўқув қўлланма касб – ҳунар коллежларининг 3840000 «Темир йўл транспорти» йўналиши ўқувчилари учун тайёрланган.

Кириш

Ўзбекистоннинг иқтисодий пойдеворини янада мустаҳкамлашда транспорт тармоғининг, энг аввало темир йўл транспорти тараққиётининг аҳамияти каттадир. Ҳозирда темир йўл транспорти ички ва ташқи иқтисодий алоқаларда муҳим аҳамиятга эга. Мамлакатда ўтказилаётган иқтисодий ислоҳатлар миллий темир йўлларни тузиш ва ривожлантиришда ўзининг ижобий натижаларини берди.

Бугунги кунда темир йўл хўжалигида амалга оширилаётган ислоҳатлар, янгидан-янги ўзгаришларга, унга давлат миқёсида алоҳида эътибор қаратилаётганидан далолатдир. Ягона темир йўл тармоғини шакллантириш мақсадида янги 341 км узунликдаги Навоий-Учқудуқ-Мискен-Нукус темир йўли қурилиб, ишга туширилди, юк ва йўловчи поездлар қатновини беками кўст олиб борилмоқда. Мамлакатимизнинг чекка ҳудудлари бўлган қашқадарё ва Сурхондарё вилоятларини иқтисодий ва ижтимоий жиҳатдан ривожлантириш мақсадида узунлиги 220 км бўлган Тошғузор-Бойсун -Қумқўрғон янги темир йўл қурилиши жадал олиб борилмоқда. Амударё узра қурилган кўприк мамлакатимизнинг шимолий ҳудудларини ҳар томонлама ривожлантиришда катта аҳамиятга эга. Ҳозирги пайтда Ўзбекистон Республикаси темир йўл транспорти ўзининг ташиш ва ўтказиш қобилияти заҳираларига эга бўлган ҳолда юк ва йўловчиларни ташишда халқ хўжалиги талабларини тўлиқ қондирмоқда.
Тошкент-Самарқанд йўналиши бўйича тезюрар «Регистон» йўловчи поезди қатновининг очилиши уч мамлакат Хитой, Россия ва Ўзбекистоннинг темир йўл транспорти соҳасидаги ҳамкорлигининг намунасидир. Сўнгги вақтда темир йўл транспортида туризмни ривожлантиришга катта эътибор берилмоқда. Шаҳар ва туман марказларида кенгайтирилган ва қайтадан қурилган 30 дан ортиқ вокзаллар йўловчиларга турли хизматлар таклиф этмоқда. Ўзбекистон Республикасини ижтимоий-иқтисодий ривожлантириш дастурига мувофиқ, «Ўзбекистон темир йўллари» фаолиятининг асосий мақсади барқарор, хавфсиз ва самарали ривожланиш ва техникавий салоҳиятни ошириш учун шароит яратишдир.